LETTRE DE JACQUELINE PASCAL 69
aucun mal. C’est pourquoy ils la croyent entierement guerrie, et plus parfaitement mesme que si elle avoit esté traitée par les remedes ordinaires et artificiels ; et croyent en leurs consciences cette guerison estre surnaturelle et miraculeuse. Apres laquelle Visite et Rapport aurions ordonné que le tout seroit communiqué audit Promoteur. Conclusions difinitives baillées par escrit par ledit Promoteur, auquel le tout a esté communiqué pour l’interest public, dattées du 18. Octobre, Signées, DU MONCEL. Et apres avoir appellé Venerables et Scientifiques Personnes Maistres Jean Rousse, Prestre, Docteur en Theologie de la Maison de Sorbonne et Curé de l’Eglise Parochialle de S. Roch à Paris : Nicolas Porcher, Prestre, Docteur en Theologie de ladite maison de Sorbonne et Vicegerent en l’Officialité de Paris : Nicolas Mazure, Prestre Docteur en Theologie de ladite maison de Sorbonne, et Curé de l’Eglise Parochialle de S. Paul à Paris: Pierre Marlin, Prestre, Docteur en Theologie de la maison de Navarre et Curé de l’Eglise parochialle de S. Eustache à Paris : et Thomas Fortin, aussi Prestre, Docteur en Theologie de la Faculté de Paris, et Curé de l’Eglise parochialle de S. Christophle en la Cité de Paris ; Lesquels ont avec Nous tres-exactement veu et examiné toutes lesdites pieces. Tout consideré, après avoir invoqué sur ce le Saint Nom de DIEU, NOUS VICAIRE GENERAL SUSDIT, DE L’AUTORITÉ DE MONDIT SEIGNEUR LE CARDINAL DE RETZ, Archevesque de Paris, et par l’avis desdits sieurs Docteurs, AVONS declaré et declarons par ces presentes, qu’il est pleinement verifié par lesdites informations, interrogatoire et certificats, que ladite Damoiselle Marguerite Perier, qui estoit malade depuis trois ans et demy d’un Ægilops ou fistule lachrymale à l’œil gauche avec les accidens mentionnés esdits actes, en a esté miraculeusement et par un effet de la toute-puissance de Dieu tres-parfaitetement guerie en un instant, sans qu’il reste aucune marque ny vestige du mal qu’elle avoit eü durant ledit temps ; et que ladite guerison surnaturelle et miraculeuse arriva le 24. Mars dernier environ sur les quatre heures du soir dans le
