Là où il vit le Penancier,
Qui confessoit homme ou bien femme.
Quant il le vit, à peu de plait,
Il luy dist : « Monsieur, je vous prie
Que vous despechez, s’il vous plaist,
Mon nepveu ; car je vous affie
Qu’il est en telle resverie :
Vers Dieu il est fort negligent ;
Il est en tel merencolie,
Qu’il ne parle rien que d’argent.
— Vrayment, ce dit le Penancier,
Très voulentiers on le fera. »
Maistre Françoys print le pannier,
Et dit : « Mon amy, venez ça ;
Velà qui vous depeschera,
Incontinent qu’il aura faict. »
Adonc maistre Françoys s’en va,
Atout le pannier, en effect.
Quand le Penancier eut parfaict
De confesser la créature,
Gaigne-denier, par dit parfaict,
Accourut vers luy bonne alleure,
Disant : « Monsieur, je vous asseure,
S’il vous plaisoit prendre loysir
De me depescher à ceste heure,
Vous me feriez ung grant plaisir.
— Je le vueil bien, en verité,
Dist le Penancier, par ma foy !
Or, dictes Benedicite,
Et puis je vous confesseray,
Page:Œuvres complètes de François Villon.djvu/216
Cette page a été validée par deux contributeurs.
188
POÉSIES
![](http://upload.wikimedia.org/wikipedia/commons/thumb/c/c5/%C5%92uvres_compl%C3%A8tes_de_Fran%C3%A7ois_Villon.djvu/page216-1024px-%C5%92uvres_compl%C3%A8tes_de_Fran%C3%A7ois_Villon.djvu.jpg)