« Dors min p’ tit quinquin,
Min p’ tit pouchin,
Min gros rojin ;
Te m’ f’ ras du chagrin,
Si te n’ dors point qu’à d’ main. »
« Ainsi l’aut’ jour, eun pauv’ dintelière,
In amiclotant sin p’tit garchon
Qui d’ puis tros quarts d’heure, n’ faijot qu’ braire,
Tâchot d’ l’ indormir par eun’ canchon.
Ell’ li dijot : « Min Narcisse,
D’ main t’ aras du pain n’épice,
Du chuc à gogo,
Si t’es sache, et qu’ te fais dodo. »
« Dors min p’ tit quinquin,
Min p’ tit pouchin,
Min gros rojin ;
Te m’ f’ ras du chagrin,
Si te n’ dors point qu’à d’ main. »
« Et si te m’ laich eun’ bonn’ semaine,
J’irai dégager tin biau sarau,
Tin patalon d’ drap, tin gilet d’laine….
Comme un p’ tit milord te s’ ras farau !
J’t’acat’ rai, l’ jour de l’ ducasse
Un porichinell’ cocasse,
Un turlututu,
Pour juer l’air du Capiau-pointu.
« Dors min p’ tit quinquin,
Min p’ tit pouchin,
Min gros rojin ;
Te m’ f’ ras du chagrin,
Si te n’ dors point qu’à d’ main. »
« Nous irons dins l’ cour Jeannette-à-Vaques,
Vir les marionnett’s. Comm’ te riras,
Quand t’ intindras dire : « Un doup’ pou Jacques ! »[1]
Pa’ d’ porichinel qui parl’ magas !…
Te li mettra dins s’menotte,
Au lieu d’ doupe, un rond d’carotte
I t’ dira : Merci !…
Pins’ comm’ nous arons du plaisi ! »
« Dors min p’ tit quinquin,
Min p’ tit pouchin,
Min gros rojin ;
Te m’ f’ ras du chagrin,
Si te n’ dors point qu’à d’ main. »
« Et si par hasard sin maite s’ fâche,
Ch’ est alors Narciss’ que nous rirons !
Sans n’n avoir invi’, j’ prindrai m’ n air mache
J’ li dirai sin nom et ses sournoms,
J’ li dirai des fariboles
I m’ in répondra des drôles ;
Infin, un chacun
Vera deux pestac’ au lieu d’un… »
« Dors min p’ tit quinquin,
Min p’ tit pouchin,
Min gros rojin ;
Te m’ f’ ras du chagrin,
Si te n’ dors point qu’à d’ main. »
« Allons serr’ tes yeux, dors min bonhomme
J’ vas dire eun’ prière à P’tit-Jésus
Pour qui vienne ichi, pindant tin somme,
T’ fair’ rêver qu’ j’ai les mains plein’ s d’écus,
Pour qu’i t’apporte eun’ coquille,
Avec du chirop qui guile
Tout l’ long d’ tin minton…
Te pourlèqu’ ras tros heur’s de long ! »
« Dors min p’ tit quinquin,
Min p’ tit pouchin,
Min gros rojin ;
Te m’ f’ ras du chagrin,
Si te n’ dors point qu’à d’ main. »
« L’ mos qui vient, d ’Saint’Nicolas ch’ est l’ fiête.
Pour sûr, au soir, i viendra t’ trouver.
I t’ f’ ra un sermon, et t’ laich’ ra mette
In d’ zous du balot, un grand painnier.
I l’ rimplira, si tes sache
D’ séquois qui t’ rindront bénache,
Sans cha, sin baudet
T’ invoira un grand martinet.
« Dors min p’ tit quinquin,
Min p’ tit pouchin,
Min gros rojin ;
Te m’ f’ ras du chagrin,
Si te n’ dors point qu’à d’ main. »
Ni les marionnettes, ni l’ pain n’ épice
N’ont produit d’effet. Mais l’ martinet
A vit’ rappagé l’ petit Narcisse,
Qui craignot d’ vir arriver l’ baudet.
Il a dit s’ canchon-dormoire
S’ mèr l’a mis dins s’n ochennoire
A r’ pris son coussin,
Et répété vingt fos che r’ frain :
« Dors min p’ tit quinquin,
Min p’ tit pouchin,
Min gros rojin ;
Te m’ f’ ras du chagrin,
Si te n’ dors point qu’à d’ main. »
|
![\relative c'' {
\clef G
\key ees \major
\time 2/4
\tempo "Andantino" 4=80
%\override Rest #'style = #'classical
\autoBeamOff
\set melismaBusyProperties = #'()
\mark \markup \fontsize #-4 { \musicglyph #"scripts.segno" }
\acciaccatura bes8 ees8 bes bes bes | \acciaccatura bes8 ees8 bes bes bes | \break
\acciaccatura bes8 ees8 bes bes aes | g2 | ees8 f \stemDown g aes | \break
bes4 bes_> | c8 c d d | ees2 |\bar "||" \break
ees8 f ees c | bes4 bes | bes4. aes8 | g4 g | \break
g8 bes aes g | \stemNeutral f4 f | f4. ees8 | ees2 | \break
ees'8 f ees c |bes4 bes | bes4. \stemDown aes8 | g4 g | \break
g8 a bes c | d4 d | \acciaccatura { d16[ ees] } d4. c8 | bes2 | \break
\acciaccatura bes8 f'8 aes, aes aes | \acciaccatura { c16[ d] } c8 bes bes bes16 r16 | \break
\acciaccatura bes8 ees8 \stemNeutral g, g g | \acciaccatura g8 bes \stemDown aes aes aes16 r16 | \break
\stemUp g8 bes aes g | f e f g | \stemDown aes g a a | bes2 \bar "||" \mark \markup \fontsize #-4 { \musicglyph #"scripts.segno" }
}
\addlyrics {
Dors min p’tit quin- quin, min p’tit pou- chin, min gros ro- jin.
Te m’fras du cha- grin si te n’dors point qu’à d’main.
Ain- si l’aut’ jour, eun’ pauv’ din- te- liè- re,
In a- mi- clo- tant sin p’tit gar- chon
Qui d’puis tros quarts d’heu- re, n’fai- jot qu’brai- re,
Tâ- chot d’lin- dor- mir par eun’ can- chon.
Ell’ li di- jot_: Min Nar- cis- se,
D’main t’a- ras du pain d’é- pi- ce.
Du chuc à go- go,
Si t’es sache et qu’te fais do- do.
}](http://upload.wikimedia.org/score/m/j/mj8pu38sj6w4w7nyhlw4bdml8merqvp/mj8pu38s.png)