Mémoires de la ville de Dourdan/Le sieur de Sancy

Le ſieur de Sancy.

Auſſitoſt que le ſieur de Sancy eut recogneu & la beauté du païs & la bonté de l’air de Dourdan, il le jugea tres-propre pour diuertir & recreer ſon eſprit, lors que trop trauaillé des plus importantes affaires de l’Eſtat qu’il digeroit, il luy voudroit donner quelque relaſche, & pour cét effect il y feit faire les logemens qui ſ’y trouuent à preſent à main gauche, & en deſignoit de plus grands ſi l’occaſion ne ſe feuſt preſentée lors qu’il fut deſchargé des affaires publiques & qu’elles furent tranſmiſes au ſieur de Roſny de le luy vendre & le faire ſon ſucceſſeur au plaiſir comme il l’eſtoit deſia au trauail.