Livre:Marguerite de Navarre - L'heptaméron des nouvelles, 1559.pdf

Titre	L’Heptaméron des nouvelles
Auteur	Marguerite de Navarre
Éditeur	Claude Gruget
Maison d’édition	Vincent Sertenas
Lieu d’édition	Paris
Année d’édition	1559
Bibliothèque	Gallica
Fac-similés	pdf
Avancement	À corriger

Pages

- - - - - ms T - Dédi. Dédi. TDM TDM TDM TDM TDM TDM Sonnet Sonnet 1r 1v 2r 2v 3r 3v 4r 4v 5r 5v 6r 6v 7r 7v 8r 8v 9r 9v 10r 10v 11r 11v 12r 12v 13r 13v 14r 14v 15r 15v 16r 16v 17r 17v 18r 18v 19r 19v 20r 20v 21r 21v 22r 22v 23r 23v 24r 24v 25r 25v 26r 26v 27r 27v 28r 28v 29r 29v 30r 30v 31r 31v 32r 32v 33r 33v 34r 34v 35r 35v 36r 36v 37r 37v 38r 38v 39r 39v 40r 40v 41r 41v 42r 42v 43r 43v 44r 44v 45r 45v 46r 46v 47r 47v 48r 48v 49r 49v 50r 50v 51r 51v 52r 52v 53r 53v 54r 54v 55r 55v 56r 56v 57r 57v 58r 58v 59r 59v 60r 60v 61r 61v 62r 62v 63r 63v 64r 64v 65r 65v 66r 66v 67r 67v 68r 68v 69r 69v 70r 70v 71r 71v 72r 72v 73r 73v 74r 74v 75r 75v 76r 76v 77r 77v 78r 78v 79r 79v 80r 80v 81r 81v 82r 82v 83r 83v 84r 84v 85r 85v 86r 86v 87r 87v 88r 88v 89r 89v 90r 90v 91r 91v 92r 92v 93r 93v 94r 94v 95r 95v 96r 96v 97r 97v 98r 98v 99r 99v 100r 100v 101r 101v 102r 102v 103r 103v 104r 104v 105r 105v 106r 106v 107r 107v 108r 108v 109r 109v 110r 110v 111r 111v 112r 112v 113r 113v 114r 114v 115r 115v 116r 116v 117r 117v 118r 118v 119r 119v 120r 120v 121r 121v 122r 122v 123r 123v 124r 124v 125r 125v 126r 126v 127r 127v 128r 128v 129r 129v 130r 130v 131r 131v 132r 132v 133r 133v 134r 134v 135r 135v 136r 136v 137r 137v 138r 138v 139r 139v 140r 140v 141r 141v 142r 142v 143r 143v 144r 144v 145r 145v 146r 146v 147r 147v 148r 148v 149r 149v 150r 150v 151r 151v 152r 152v 153r 153v 154r 154v 155r 155v 156r 156v 157r 157v 158r 158v 159r 159v 160r 160v 161r 161v 162r 162v 163r 163v 164r 164v 165r 165v 166r 166v 167r 167v 168r 168v 169r 169v 170r 170v 171r 171v 172r 172v 173r 173v 174r 174v 175r 175v 176r 176v 177r 177v 178r 178v 179r 179v 180r 180v 181r 181v 182r 182v 183r 183v 184r 184v 185r 185v 186r 186v 187r 187v 188r 188v 189r 189v 190r 190v 191r 191v 192r 192v 195r 195v 196r 196v 197r 197v 198r 198v 199r 199v 200r 200v 201r 201v 202r 202v 203r 203v 204r 204v 205r 205v 206r 206v 207r 207v 208r 208v 209r 209v 210r 210v 211r 211v 212r 212v Priv. Priv. - - - - - - - - -

TABLE DES SOMMAIRES DES
NOVVELLES DE LA ROYNE DE NAVARRE.

PREMIERE IOVRNEE.

VNe femme d’Alençon auoit deux amis, l’vn pour le plaiſir, l’autre pour le profit : elle feit tuer celuy des deux, qui premier s’en apperceut : dont elle impetra remißion pour elle & ſon mary fugitif, lequel, depuis pour ſauuer quelque argẽt, s’adreſſa à vn Necromacien, et fut leur entreprinſe deſcouuerte & punie. Nouuelle premiere, fueillet

Piteuſe & chaſte mort de la femme d vn des muletiers de la Royne de Nauarre. Nou. 2.

Vn Roy de Naples, abuſant de la femme d’vn gentil-homme, porte enfin luy meſme les cornes. Nou. 3.

Temeraire entreprinſe d’vn gentil-homme, à l’encontre d’vne princeſſe de Flandres, & le dommage & honte qu’il en receut. Nou. 4.

Vne bafteliere s’eſchappa de deux cordeliers, qui la vouloient forcer, & feit ſi bien que leur peché fut deſcouuert à tout le monde. Nou. 5.

Subtilité d’vne femme, qui feit euader ſon amy, lors que ſon mary (qui eſtoit borgne) les penfoit ſurprendre. Nou. 6.

Vn marchand de Paris trompe la mere de s’amie, pour couurir leur faulte. Nouuelle 7.

Vn quidam ayant couché auecques ſa femme, au lieu de ſa chambriere, y enuoya ſon voiſin, qui le feit cocu, ſans que ſa femme en ſceuſt rien. Nouuel. 8.

Piteuſe mort d’vn gentil-homme amoureux, pour auoir trop tard receu conſolation de celle qu’il aimoit. Nou. 9.

Amours d’Amadour & Florinde, ou ſont contenues maintes ruſes & dißimulations, auec la treſlouable chaſteté de Florinde. Nou. 10.

DEVXIESME IOVRNEE.

PRopos facetieux d’vn cordelier en ſes ſermons. Nouuelle vnzieſme, fueillet

L’incontinence d’vn Duc, & ſon impudence, pour paruenir à ſon intention, auec la iuſte punition de ſon mauuais vouloir. Nou. 12

Vn capitaine de galeres, ſous ombre de deuotion, deuint amoureux d’vne damoiſelle, & ce qui en aduint. Nou. 13.

Subtilité d’vn amoureux, qui ſous la faueur du vray amy, cueillit d’vne dame Millannoiſe le fruict de ſes labeurs paſſez. Nou. 14.

Vne dame de la court du Roy, ſe voyant deſdaignée de ſon mary, qui faiſoit l’amour ailleurs, s’en vengea, par peine pareille. Nou. 15.

Vne dame Millannoiſe approuua la hardieſſe & grand cueur de ſon amy, dont elle l’aima depuis de bon cueur. Nou. 16.

Le Roy François monſtra ſa generoſité au Comte Guillaume, qui le vouloit faire mourir. Nou. 17.

Vne belle ieune dame experimente la foy d’vn ieune eſcolier ſon amy, auant que luy permettre auantage ſur ſon honneur. Nou. 18.

De deux amans, qui, par deſeſpoir d’eſtre mariez enſemble, ſe rendirent en religion, l’homme à ſainct François, & la fille à ſaincte Claire. Nouuelle 19.

Vn gentil-homme eſt inopinément guary du mal d’amours, trouuant ſa damoiſelle rigoureuſe entre les bras de ſon palefrenier. Nou. 20.

TROISIESME IOVRNEE.

L’Honneſte merueilleuſe amitié d’vne fille de grande maiſon & d’vn baſtard, l’empeſchement qu’vne Royne donna à leur mariage, auec la ſage reſponſe de la fille à la Royne. Nou. 21.

Vn prieur reformateur, ſous ombre de ſon hypocriſie, tente tous moyens pour ſeduire vne ſaincte religieuſe. Dont en fin ſa malice eſt deſcouuerte. Nou. 22.

Trois meurtres aduenuz en vne maiſon : à ſçauoir, en la perſonne du ſeigneur, de ſa femme, & de leur enfant, par la meſchanceté d’vn cordelier. Nou. 23.

Gentile inyention d’vn gentil-homme pour manifeſter ſes amours à vne Royne, & ce qui en aduint. Nou. 24.

Subtil moyen, dont vſoit vn grand prince, pour iouyr de la femme d’vn aduocat de Paris. Nou. 25.

Plaiſant diſcours d’vn grand ſeigneur, pour auoir la iouyſſance d’vne dame de Pampelune. Nou. 26.

Temerité d’vn ſot ſecrettaire, qui ſollicita d’amours la femme de ſon compagnon, dont il receut grande honte. Nou. 27.

Vn ſecrettaire penſoit affiner quelqu’vn qui l’affina, & ce qui en aduint. Nou. 28.

Vn bon Iannin de village, de qui la femme faiſoit l’amour auec ſon curé, ſe laiſſa aiſéement tromper. Nou. 29.

Merueilleuſe exemple de la fragilité humaine, qui, pour couurir ſon horreur, encourt de mal en pis. Nou. 30.

QVATRIESME IOVRNEE.

EXecrable cruauté d’vn cordelier pous paruenir à ſa deteſtable paillardiſe : & la punition qui en fut faicte. Nou. 31.

Punition plus rigoureuſe que la mort, d’un mary enuers ſa femme adultere. Nou. 32.

Abomination d’vn preſtre inceſtueux, qui engroſſa ſa ſœur, ſous pretexte de ſaincte vie : & la punition qui en fut faicte. Nou. 33.

Deux cordeliers trop curieux d’eſcouter, eurent ſi belles affres, qu’ils en cuiderent mourir. Nou. 34.

Induſtrie d’vn ſage mary, pour diuertir l’amour que ſa femme portoit à vn cordelier. Nou. 35.

Vn preſident de Grenoble, aduerty du mauuais gouuernement de ſa femme, y meit ſi bon ordre, que ſon honneur n’en fut intereßé, & ſi s’en vengea.
Nou. 36.

Prudence d’vne femme pour retirer ſon mary de la folle amour, qui le tourmentoit. Nou. 37.

Memorable charité d’vne femme de Tours, enuers ſon mary putier.
Nou. 38.

Bonne inuention pour chaſſer le Lutin. Nou. 39.

Vn ſeigneur feit mourir ſon beau-frere, ignorant l’alliance. Nou. 40.

CINQUIESME IOVRNEE.

EStrange & nouuelle penitence, donnée par vn cordelier confeſſeur à vne ieune damoiſelle. Nou. 41.

Continence d’vne ieune fille, contre l’opiniaſtre pourſuitte amoureuſe d’vn des grands ſeigneurs de France : & l’heureux ſuccez qu’en eut la damoiſelle. Nou. 42.

L’hypocriſie d’vne dame de court fut deſcouuerte, par le demenement de ſes amours, qu’elle penſoit bien celer. Nou. 43.

De deux amans, qui ont ſubtilement iouy de leurs amours, & de l’heureuſe iſſue d’icelles. Nou. 44.

Vn mary baillant les innocens à ſa chambriere, trompoit la ſimplicité de ſa femme. Nou. 45.

D’vn cordelier, qui faict grand crime enuers les mariz de battre leurs femmes. Nou. 46.

Vn gentil-homme du Perche, ſoupçonnant à tort l’amitié de ſon amy, le prouocque à executer contre luy la cauſe de ſon ſoupçon. Nou. 47.

Deux cordeliers vne premiere nuict de nopces prindrent l’vn apres l’autre la place de l’eſpousé, dont ils furent bien chaſtiez. Nou. 48.

Subtilité d’vne comteſſe pour tirer ſecrettement ſon plaiſir des hommes : & comme elle fut deſcouuerte. Nou. 49.

Vn amoureux, apres la ſaignée, reçoit le don de mercy : dont il meurt, & ſa dame, pour l’amour de luy. Nou. 50.

SIXIESME IOVRNEE.

PErfidie & cruauté d’vn Duc Italien. Nou 51.

Du ſale deſieuner preparé par vn varlet d’apoticaire à vn aduocat & à vn gentil-homme. Nou. 52.

Diligence perſonelle d’vn prince, pour eſtranger vn importun amoureux. Nou. 53.

D’vne damoiſelle de ſi bonne nature, que, voyant ſon mary, qui baiſoit ſa chambriere, ne s'en feit que rire : & pour n'en dive autre choſe, diſt qu’elle rioit à ſon ombre. Nou. 54.

Fineſſe d’vne Eſpaignole, pour frauder les cordeliers du laiz teſtamentaire de ſon mary. Nou. 55.

Vn cordelier marie frauduleuſement vn autre cordelier ſon compagnon à vne belle ieune damoiſelle, dont ils ſont puis apres tous deux puniz. Nou. 56.

Compte ridicule d’vn Milhort d’Angleterre, qui portoit vn gand de femme par parade ſur ſon habillement. Nou. 57.

Vne dame de court ſe venge plaiſamment d’vn ſien ſeruiteur d’amourettes. Nou. 58.

Vn gentil-homme penſant acoler en ſecret vne des damoiſelles de ſa femme, eſt par elle ſurprins. Nou. 59.

Vne Pariſienne abandonne ſon mary pour ſuivre vn chantre, puis contrefaiſant la morte, ſe feit enterrer. Nou. 60.

SEPTIESME IOVRNEE.

MErueilleuſe pertinacité d’amour effrontée d’vne Bourguignonne enuers vn chainoine d’Authun. Nou. 61.

Vne damoiſelle, faiſant vn compte de l’amour d’elle meſme, parlant en tierce perſonne, ſe declara par meſgarde. Nou. 62.

Notable chaſteté d’vn ſeigneur François. Nou. 63.

Vn gentil-homme deſdaigné pour mary, ſe rend cordelier, dequoy s’amie porte pareille penitence. Nou. 64.

Simplicité d’vne vieille, qui preſenta vne chandelle ardente à ſainct Iean de Lyon, & l’attacha contre le front d’vn ſoldat, qui dormoit ſur vn ſepulchre : & de ce qui en aduint. Nou. 65.

Compte riſible aduenu au Roy & Royne de Nauarre. Nou. 66.

Extreme amour & auſterité de femme, en terre eſtrange. Nou. 67.

Vne femme faict manger des cantarides à son mary, pour avoir vn traict de l’amour : & il en cuida mourir. Nou. 68.

Vn Italien ſe laiſſe affiner par ſa chambriere, qui faict que la femme trouue ſon mary blutant, au lieu de ſa ſeruante. Nou. 69.

L’incontinence furieuſe d’vne Ducheſſe, fut cauſe de ſa mort, & de celle de deux parfaicts amans. Nou. 70.

HVICTIESME IOVRNEE.

VNe femme eſtant aux aboiz de la mort, ſe courrouça en ſorte, voyãt que ſon mary acoloit ſa chãbriere, qu’elle revint en ſanté. Nou. 71.

Continuelle repentance d’vne religieuſe, pour auoir perdu ſa virginité ſans force, ny par amour. Nou. 72.

FIN DE LA TABLE.

Récupérée de « https://fr.wikisource.org/w/index.php?title=Livre:Marguerite_de_Navarre_-_L%27heptaméron_des_nouvelles,_1559.pdf&oldid=14078624 »