Les Contenances de la table

Anonyme
Romaniatome 47 (p. 42-46).

S’ENSUIVENT LES CONTENANCES DE LA TABLE

Enfant qui veult estre courtoys[1]
Et a toutes gens agreable
Et principalement a table,
4Garde ces rigles en francoys.

Enfant, soit de copper soingneux
Ses ongles et oster l’ordure,
Car se l’ordure il y endure,[2]
8Quant ilz se grate y est roingneux.[3]


Enfant d’honneur, lave tes mains
A ton lever, a ton disner, [4]
Et puis au soupper sans finer, [5]
12Ce sont trois foys a tout le moins.

Enfant, dy benedicite
Et faiz le signe de la croix, [6]
Ains que tu prens riens, se m’en crois, [7]
16Qui te soit de necessité.[8]

Enfant, quant tu seras aux places
Ou aucun prelat d’eglise est,
Laisse luy dire, s’il luy plaist,
20Tant benedicite que graces.

Enfant, se prelat ou seigneur
Te dit de son auctorité
Que dies benedicite
24Fais le hardiement, c’est honneur.[9]

Enfant, se tu es en maison
D’autrui, et le maistre te dit
Que tu sees, sans contredit[10]
28Faire le peulz selon raison.[11]

Enfant, prens de regarder peine[12]
Sur le siege ou te sierras,
Se aucune chose y verras
32Qui soit deshonneste ou vilaine.

Enfant, quant tu seras assis
Pour ton corps refectionner,
Soit au soupper ou au disner, [13]
36Monstre toy prudent et rassiz.

Enfant, prens du vin et du pain
Ce qu’il souffist a ta nature,
Sans trop ne peu selon mesure,
40Qui trop en prent est dit villain.[14]

Enfant, tu ne te doibs charger
Tant de ta premiere vïande,
Se plusieurs en as en commande, [15]
44Que d’autres ne puisses menger.

Enfant, se tu es bien scavant,
Ne més pas ta main le premier[16]
Au plat, mais laisse y toucher
48Le maistre de l’hostel avant.[17]

Enfant, garde que le morseau[18]
Que tu auras mis en ta bouche
Par une fois, jamais n’atouche,
52Ne soit remis en ton vaisseau.[19]

Enfant, ayes en toy remors[20]
De t’en garder, se y a failly,
Et ne presentes a nulluy[21]
56Le morseau que tu auras mors.

Enfant, garde toy de maschier
En ta bouche pain ou vïande,
Oultre que ton cuer ne demande
60Et puis après le recrascher.[22]

Enfant, tu doibs prendre du sel
Dessus ton taillour, et saloir[23]
Ta vïande pour mieulx valoir,
64Ou dedans ung autre vaissel.


Enfant, garde qu’en la saliere[24]
Tu ne mettes point tes morseaulx
Pour les saler, ou tu deffaux,
68Car c’est deshonneste maniere.

Enfant, se tu bois de fort vin,
Metts y eaue attrempeement[25]
Et n’en boy que souffisamment
72Ou il te troublera l’engin.

Enfant, se tu es ung yvrongne
Par trop boire, il est deshonneste,
Et en auras mal a la teste, [26]
76Et puis après honte et vergongne.

Enfant, garde que sur ton boire
Tu n’abondes trop en parolle, [27]
Car la maniere en est moult folle, [28]
80Enfant de bien ne le doit faire.[29]

Enfant, a table je t’ordonne[30]
Sur tout que point tu ne sommeilles, [31]
Et aussi que tu ne conseilles[32]
84En l’oreille d’autre personne.

Enfant, jamais la bouche pleine,
Tu ne dois a autruy parler,
Ne boire aussy pour avaler, [33]
88Car c’est chose par trop vileine.[34]

Enfant, garde, se tu es saige,
En quelque bancquet que tu voyses
Soit de seigneurs ou de bourgeoyses, [35]
92De trop habonder en langaige.[36]

Enfant, soyes tousjours paisible, [37]
Doulx, courtois, bening, amiable[38]
Entre ceulx qui sierront a table[39]
96Et te gardes d’estre noysible.[40]

Enfant, ce te est chose honteuse, [41]
Se tu as servïette ou drap,
De boire dedens ton hanap, [42]
100Ayant la bouche orde et baveuse.[43]

Enfant, se tu faiz en ton verre[44]
Souppes de vin aucunement,
Boy tout le vin entierement, [45]
104Ou autrement le gecte a terre.

Enfant, garde de presenter
A ton hoste pain ne vïande
Prendre en peut sans qu’on luy commande[46]
108Autre ne l’en peut exempter.[47]

Enfant, soies plain et joyeux, [48]
En tout ce que tu fais ou dis, [49]
Ne te habandonne a nulz vains dis, [50]
112Tu n’en pourras valoir que mieulx.


Enfant, se aucun serviteur oste
Aucun plat qui soit devant toy,
N’en fais semblant, tais t’en tout quoy, [51]
116Il souffist puis qu’il plaist a l’hoste.[52]

Enfant, garde toy de remplir
Ton ventre si habundamment,
Que tu ne puisses saigement
120Tes bonnes oeuvres acomplir.[53]

Enfant, se tu veulx en ta pence
Trop excessivement bouter,
Tu seras constraint a rupter
124Et perdre toute contenance.

Enfant, se tu es saige, escoute
De la table les assistans,
Sans parler fors qu’a l’heure et temps, [54]
128Et ne te tiens pas sur le coubte.[55]

Enfant, se ton nez est morveux,
Ne le touche de la main nue, [56]
De quoy ta vïande est tenue ; [57]
132Le fait est vilain et honteux.

Enfant, en quelque compaignye
Que soyes, ne veulles nifler[58]
Ton nez, ne faire hault siffler ; [59]
136C’est deshonneur et mocquerie.

Enfant, metz ces dis en entente[60]
Et les retiens en ton couraige.[61]
Le residu de ton potaige
140Jamais a autruy ne presente.

Enfant, garde toy de frotter[62]
Enssamble tes mains, ne tes bras
Ne a la nappe, ne aux draps ;
144A table on ne se doit grater.

Enfant, après que tu as prins
Des biens de ton hoste ou hostesse, [63]
Remercie lez de leur largesse ;
148Tu n’en pourras estre reprins.


BALLADE[64]


Enfant, oultre quoy que tu faces
Après ton mengier et ton boire,
Souviengne toy de dire graces,
152Tu es obleigé de ce faire.[65]
Et remercie Dieu le pere[66]
Qui des biens t’a donné assez,
Et pour toutes oeuvres parfaire, [67]
156Prie Dieu pour les trespassez.[68]

L’enfant saige tenu sera, [69]
En toute bonne compaignye,
Qui bien ses reigles gardera,
160Sans avoir honte ou villonnye.
Qui les tiendra, je vous affye,
Dedens son cuer bien enchassez,
Honneur aura, mais qu’il n’oublie
164Prier Dieu pour les trespassez.

Enfant, tu te doibs recoler,
Après qu’auras beu et mengié[70]

Et ains que t’en vuelles aler, [71]
Pour ceulx qui ont les biens gaingné, [72]
169Et te souvenir en pitié[73]
Que de ce monde sont passez,
Ainsi que tu es obleigez
172Prier Dieu pour les trespassez.[74]

Prince enfant, tu es tenu[75]
Des biens qui te sont amassez,
Dont ton estat est soustenu,
176Prier Dieu pour les trespassez.[76]




  1. — 1 veulx f
  2. — 7 C. s’il est ord de nature de ; il manque f g
  3. — 8 y e.] il est de f g
  4. — 10 a ton] et au de, et a fg
  5. — 11 Et pareillement à s. fg
  6. — 14 Faisant le fg
  7. — 15 A. q. prendre se tu me c. de fg
  8. — 16 Ce qui t’est de, Ce qui est fg
  9. — 24 hardiment de fg
  10. — 27 t. s.] t’assies de, te sees f, tu te tais g
  11. — 28 s.] car c’est de fg
  12. — 29 Enfans A
  13. — 35 au] a d e f g
  14. — 40 e. d.] il est d e f g
  15. — 43 p. as f
  16. — 46 ta] la d e f g
  17. — 48 d’hostel g
  18. — 49 gardez A
  19. — 52 remise A
  20. — 53 t. cer. d e f g
  21. — 55 De non presenter de, Ne presente point f, Ne presenter point g ; a autruy fg
  22. — 60 le] la A
  23. — 62 trenchoir f, trenchouer g ; saler d e f g
  24. — 65-8 et 69-72 intervertis fg
  25. — 70 de l’eau de, de l’eaue fg
  26. — 75 Et si en as m. d e f ; Tu en a. g ; en la A, a ta de
  27. — 78 Tu manque A ; Ne A ; habonde A f g ; parolles A
  28. — 79 moult] sotte et d e f g
  29. — 80 E.] Homme d e f g
  30. — 81 a] en de f g
  31. — 82 Sus f ; tu manque f g ; sommeille f g
  32. — 83 Aussi que iamais ne conseille f g
  33. — 87 avaler] mieulx valoir d e f g
  34. — 88 ch. p.] une ch. de f g
  35. — 91 Soient s. borgoiz borgoises de, Devant les s. ou bourgoises f, D. l. s. ou bourgois g
  36. — 92 Trop t’abandonner de
  37. — 93 t.] begnin et d e, doulx et f g
  38. — 94 D. et c. et a. de, Humble c, a. f, Humblement c. et a. g
  39. — 95 sont a la d e f g
  40. — 96 Garde toy bien de f g ; noysibles A
  41. — 97 c’est f, ce seroit g
  42. — 99 d. t.] en aucun A
  43. — 100 La b. toute d e f g
  44. — 101 t. ventre g
  45. — 103 le g.] getter g
  46. — 107 qu’on l.] ta e
  47. — 108 l’en manque f, le g ; excepter f g
  48. — 109 p,] plaisant d e f g
  49. — 110 En] Par fg ; ou que d. f g
  50. — 111 Ne] Sans d e f g ; t’abandonunr d e g, abonder f ; nulz manque d e f g
  51. — 115 f. point s. tiens d e f g ; toy coy de, te coy f g
  52. — 116 qu’il] qui A
  53. — 120 Les b. de
  54. — 127 fors manque d e f g ; et a t. de ; en h. et en t. fg
  55. — 128 c.] compte g
  56. — 130 de la] a d e g, de f
  57. — 131 ta] la f g
  58. — 134 ne v.] garde de d e f g
  59. — 135 ne f. h.] h. ne f. d e f g
  60. — 137 m. c. d.] tiens cecy de f g
  61. — 138 les] le d e f g
  62. — 141 toy] bien d e f g
  63. — 146 de l’oste et de l’ostesse d e f g
  64. Rubrique : B. a ce mesmes A, manque f g
  65. — 152 ce] le deg
  66. — 153 En remerciant g ; remercie de
  67. — 155 Mais g
  68. — 156 Prier de
  69. — 157 Enfant d e f g
  70. — 166 A. ce qu’as d e f g ; b. et] bien f
  71. — 167 Au devant que d e f g ; de ton a. d, ton a. e’, de t’en a. fg
  72. — 168 P.] De d e f g
  73. — 169 souviengne A
  74. — 172 Prie g
  75. — 173 P. e.] Enfant se prins d e, Enfant premier f g
  76. — 176 Prie de.