Ouvrir le menu principal


Thibaut de Champagne
Les Chansons de Thibaut de Champagne
Texte établi par Axel Wallensköld, Edouard Champion éditeur, 1925.


Por conforter ma pesance
Faz un son
Bons ert, se il m'en avance
Car Jason
Cil qui conquist la toison,
N'ot pas si grief penitance.
E!é!é!

Je meïsme a moi tence,
Car reson
Me dit que je faz enfance,
Quand prison
Tieng ou ne vaut raençon;
Si aii mestier d'alejance.
E!é! !é!
Ma dame a tel conaoissance
Et tel renon
Que gi ai mis ma fiance
Jusqu'en son.
Meus aim que d'autre amor don
Un regart, quant le me lance.
.
E!é!é!

Bien ai en moi remenbrance
A compaignon;
Touz jorz remir sa semblance
Et sa façon.
Aiez, Amor, guerredon!
Ne sosfrez ma meschance!
E!é!é!