Le Mespris de la vie et consolation contre la mort/« Helas ! si du pecheur la sale conscience »
Le Mespris de la vie et consolation contre la mort
CXXI.
Helas ! si du pecheur la sale conscience
N'a point plus de repos que le flot agité
Des vens impestueus de lm'orage irrité,
Constant à maintenir son instable inconstance :
O Pere, mon Sauveur, en quelle meffiance
Au jour de son depart sera precipité
Ce pauvre ceur souillé de tant d'iniquité,
Que le seul souvenir le met hors d'esperance ?
Ce sera fait, mon DIEU, ce sera fait de moy
Si ta saincte clarté n'esclaire a mon emoy,
Illuminant l'horreur de mon crime funeste :
Mais avant que mourir, fais que plus arresté
A maintenir tes loys, mes forfais je deteste
Le repentant est presque innocent reputé.