Le Livre des sonnets/Le péché me surmonte, & ma peine est si grande
Sonnet
Le péché me ſurmonte, & ma peine eſt ſi grande,
Lors que mal-gré moy-meſme il triomphe de moy,
Que pour me retirer du gouffre où ie me voy,
Ie ne ſçay quel hommage il faut que ie te rende.
Ie voudrais bien t’offrir ce que ta loy commande,
Des prieres, des vœux, & des fruits de ma foy.
Mais voyant que mon cœur n’eſt pas digne de toy,
Ie ſay de mon Sauveur mon eternelle offrande.
Reçoy ton Fils, ô Pere ! & regarde la Croix,
Où preſt de ſatisfaire à tout ce que ie dois
Il te fait de luy-meſme vn fanglant ſacrifice.
Et puis qu’il a pour moy cèt excès d’amitié,
Que d’eſtre inceſſamment l’obict de ta Iuſtice,
Ie feray, s’il te plaiſt, l’obiect de ta pitié.
Ogier de Gombauld.