Le Livre des sonnets/Il ne faut s’esbahir, disoient ces bons vieillars
Sonnet pour Hélène
« Il ne faut s’esbabir, diſoient ces bons vieillars.
Deſſus le mur Troyen, voyons paſſer Helene,
Si pour telle beauté nous ſouffrons tant de peine,
Noſtre mal ne vaut pas vn ſeul de ſes regars.
« Toutefois il vaut mieux, pour n’irriter point Mars,
La rendre à ſon eſpoux afin qu’il la r’emmeine,
Que voir de tant de ſang noſtre campagne pleine,
Noſtre haure guigné, l’aſſaut à nos rampars. »
Peres, il ne falloit, à qui la force tremble,
Par vn mauuais conſeil les ieunes retarder :
Mais & ieunes & vieux vous deuiez tous enfemble
Pour elle corps & biens & ville bazarder.
Menelas fut bien ſage, & Pâris, ce me ſemble :
L’vn de la demander, l’autre de la garder.
Pierre de Ronſard.