Le Livre des sonnets/Depuis le triste poinct de ma fraisle naissance
Sonnet ſpirituel
Depuis le triſte poinct de ma fraiſle naiſſance,
Et que dans le berceau pleurant ie fu poſè,
Quel iour marqué de blanc m’a tant fauoriſé
Que de l’ombre d’vn bien i’aye eu la cognoiſſance ?
A peine eſtoient ſechez les pleurs de mon enfance
Qu’au froid, au chaud, à l’eau ie me veis expoſé,
D’amour, de la fortune, & des grands maiſtriſé,
Qui m’ont payé de vent pour toute recompanſe.
I’en ſuis fable du monde, & mes vers diſperſez
Sont les ſignes pileux des maux que i’ay. paſſez,
Quand tant de fiers tyrans rauageoyent mon courage.
Toy qui m’oſtes le ioug & me fais reſpirer,
O Seigneur, pour iamais vueille moy retirer
De la terre d’Egypte, & d’vn ſi dur ſeruage.
Philippe Deſportes.