Le Livre des sonnets/Ce pendant que Magny suit son grand Auanson
Sonnet
Ce pendant que Magny ſuit ſon grand Auanſon,
Panjas ſon Cardinal, & moy le mien encore,
Et que l’eſpoir flateur, qui noz beaux ans deuore,
Appaſte noz deſirs d’un friand hameſſon,
Tu courtiſes les Roys, & d’un plus heureux ſon
Chantant l’heur de Henry, qui ſon ſiecle décoré,
Tu t’honores toymeſme, & celuy qui honore
L’honneur que tu luy fais par ta docte chanſon.
Las ! & nous ce pendant vous conſumons noſtre aage
Sur le bord incogneu d’un eſtrange riuage,
Où le malheur nous fait ces tri fies vers chanter,
Comme on uoid quelquefois, quand la mort les appelle,
Arrangez flanc à flanc parmy l’herbe nouvelle,
Bien loing ſur un eſtang trois cygnes lamenter.
Joachim du Bellay.