◄ Laisse XXIII | Laisse XXIV | Laisse XXV ► |
XXIV[1]
— Sire », font les mesajes, « donc nos desfiez vos ?
« Dites apertament se veniré sor nos.
— Segnors », dist l’anperere, « dit vos ai mon respos.
« Longemant a je feit ce qe ne funt li los,
« Qe totes autres cars manjue fors lui sols :
« A destruir Cristians ai stez trop afaros.
« Or entand d’esanplir la loi cil Glorios
« Qe par la gient humane fu stendu en la cros.
« Maint felons Saraçins, qe or sunt orgueillos,
« Ou l’aïe Jesus me croi feir doloros.
« Se vestre rois se garde, certes no l’en repros,
« Car qi bien garde soi est saus el cef de tos. »