| ◄ Laisse CCXXI | Laisse CCXXII | Laisse CCXXIII ► |
CCXXII[1]
Sans engombrer d’aus ni de lor cheval
Sont as archiers venuz li bon vasal ;
O brant d’achier et espie poignal
Ofert lor ont le doleros jornal ;
Chaçant les vont e par bos e par val.
Entre quens Guenes et un suen senescal
Vont a vooir Rolant, lor marescal ;
A pié le voient, dont il ont duol coral.
Plus tost qe joune dame non entre a bal
Desendi Gayne dou bon destrer loial.
« Montez », fist il, « flors des enperial.
« Menez en ai plus de cinq autretal ;
« Plus m’est cherisse quant le besogn voi tal
« Qui mei donast l’avoir de Portegal.
« Por vestre amor, por Diex le spirital,
« Ferai encué sor Paien maint signal. »