L’entrée d’Espagne/Laisse CCLXXXIII

◄   Laisse CCLXXXII Laisse CCLXXXIII Laisse CCLXXXIV   ►
CCLXXXIII[1]

Aprés parole Guarin de Montarchon,
127 bChi tient Valois, San Gorje e Balençon :
6710« Sir enperer, voir vos oit dit Guion ;
« Cités est Noble fort e de grant renon,
« Riche, pleneire et oit de jent fuison :

« Ne menti mie cil che li mist le non.
« Da l’une part voit li çamin Guascon,
6715« Da l’autre porte voit l’en en Aragon,
« Et enver Spagne garde l’autre façon ;
« La quarte voit ver la mer Ocianon.
« De voir vos di, se cele ne prendon,
« Longuement ci nos trop hosteierons,
6720« Car jor e nuit grant regard en avron.
« Mes une part de cist host manderon,
« Si soit asise Noble tot environ
« E le pais robé, c’a mervoile est bon.
« Se l’une e l’autre tot ensamble asiçon,
6725« L’une por l’autre n’avroit defension ;
« Aseç plu tost nos in delivreron.
« Or diviseç se ai dit bien o non. »
Atant s’asist e feni sa raison.


◄   Laisse CCLXXXII Laisse CCLXXXIII Laisse CCLXXXIV   ►
  1. — 6708 paroles — 6712 B a fuison. — 6719 B exponctue ci — 6720 regarde