L’entrée d’Espagne/Laisse CCIX

Anonyme

Laisse CCIX

CCIX^[1]

Aspre, pesme et crüeus fu li storm a veoir ;
Qui n’i fusent esté ne le poroient croir.
Li roy de Pampeloine voit bien por estovoir
Qe ensir i covient, ce ne puet remanoir,
5050Por secorre ses homes, se il vuelt honor avoir ;
Des portes est insus, sot un baxalis noir,
Armeç, sor un destrer qe valt son pois d’avoir ;
As François croit doner une mauvasie soir.
Plus isnels qe jamés n’ira falcon a loir
5055Vindrent de grant randons li bauçans e li soir.
Li roy vient a l’estor por secorre sun hoir
E prie Machon François nel puisent decevoir
Ni prendre ni oncir, navrer ni conevoir,
Car mort est Feregu, ou avoit sun espoir ;
5060S’adonc perdoit sun fil, ou tant a de valoir,
De defendre sa tere metroit a noncaloir.

◄ Laisse CCVIII

Laisse CCIX

Laisse CCX ►

↑ — 5046 storm — 5047 ni p. qeoir — 5049 Qensir — 5050 secorer — 5054 iameis nia f. ; nia est d’une autre main que A et écrit sur un grattage — 5055 grant manque — 5056 secorer — 5057 nel p. deshoir — 5058 Prendre ni oncir ni n. ni conuenoir — 5061 meteroit

[CCIX-1] — 5046 storm — 5047 ni p. qeoir — 5049 Qensir — 5050 secorer — 5054 iameis nia f. ; nia est d’une autre main que A et écrit sur un grattage — 5055 grant manque — 5056 secorer — 5057 nel p. deshoir — 5058 Prendre ni oncir ni n. ni conuenoir — 5061 meteroit

[1]