| ◄ Laisse CCCVI | Laisse CCCVII | Laisse CCCVIII ► |
CCCVII[1]
Au matinet, si cum le roi devise,
Fu començé dou castel la maistrise ;
Li mangoner ceschun mout s’en avise ;
Quant l’ont compliç, biaus fu a strange guise.
Sor le plus aut, la o plus fiert la bise,
Monta Çarlons e Gondelbof de Frise,
Les doçes pier chi servent saint’ Iglise ;
Ensamble ou lor furent mant fils marchise ;
Gardent la ville comant estoit asise.
Lor a dit Çarles : « Ai ! bon saint de Galise,
« Proié nos Sir che, por sa jentilise,
« Grace nos dunt che la cité soit prise
« Che nos defant dou chemin la conduise
« Ou peligrins irunt en ton servise. »