Invitation des barons du royaume à l’archevêque de Rouen et à tous ses suffragants à assister à Reims au couronnement de Louis IX
1226, novembre.
Les prélats et les barons du royaume invitent l’archevêque de Rouen et tous ses suffragants à assister à Reims au couronnement du jeune Louis IX qui a été décidé à la suite de la mort de son père, le roi Louis VIII, à Montpensier.
Archives nationales, J//363, pièce no 5 (AE/II/227)
Reverendo in Christo patri et amico karissimo Th. (Theobaldo) Dei gratia Rothomagensi archiepiscopo et universis ipsius suffraganeis, S. (Simon) Bituricensis, G. (Galterius) Senonensis eadem gratia archiepiscopi; M. (Milo) Belvacensis, G. (Gerardus) Noviomensis, G. (Galterius) Carnotensis episcopi; Ph. (Philippus) comes Bolonie, G. (Galterius de Avesnis) comes Blesensis, Ingerannus dominus Couciaci, A. (Amalricus) comes Montisfortis, Archenbaldus de Borbonio, Johannes de Nigella et St. (Stephanus) de Sacrocesare, salutem cum dilectione sincera. Significamus vobis quod, die martis proxima post preteritum festum Omnium Sanctorum (i. e. die 3 nov.), dum pie recordacionis Francie rex Ludovicus apud Montem Pancerii gravi valitudine corporis laboraret, timens de regni Francie periculo post decessum ipsius, provida deliberacione et prehabito salubri consilio nos coram se convocatos et plures alios fideles suos attente rogavit, et sub fidelitate qua ei tenebamur nichilominus adjuravit, ut, tactis sacrosanctis, juraremus ibidem quod, si de ipso humanitus contingeret, quam cicius possemus, bona fide fidelitates et hominagia faceremus Ludovico filio ejus majori tanquam domino et regi, et procuraremus bona fide quod ipse, quam cito conmode fieri posset, coronaretur in regem. Quod juramentum unanimi voluntate fecimus coram ipso. Nobis igitur bonum videtur quod idem Ludovicus coronetur apud Remos die dominica proxima ante instans festum sancti Andree (i. e. die 29 novembris). Inde est quod nos affectuose rogamus et requirimus, sub fidelitate qua regno tenemini, quatinus prefata die eidem coronacioni velitis personaliter interesse.