Confirmation des aumônes royales (septembre 1260)
1260, Septembre. — Paris
Le roi de France Louis IX confirme le montant des aumônes royales fixé par ses prédécesseurs au profit des monastères, des hôtels-Dieu et des léproseries en temps de Carême, à savoir 2119 livres parisis, 63 muids de blé et 68 000 harengs, ainsi que la distribution quotidienne par l’aumônier royal de 100 sous parisis aux pauvres durant le Carême. Louis IX y ajoute, au profit de l’hôtel-Dieu de Paris et des pauvres, une rente annuelle de 10 livres parisis à percevoir sur la caisse du Temple à Paris, au début du Carême.
Archives nationales, J//365, pièce n°7 (AE/II/261)
ln nomine sancte et individue Trinitatis. Amen. Ludovicus, Dei gratia Francorum rex. Noverint universi presentes pariter et futuri quod, cum olim temporibus predecessorum nostrorum pia liberalitate donata fuerit et hactenus observata talis elemosina, videlicet annis singulis, tempore quadragesimali, de bursa regis, usque ad duo milia centum decem et novem libras parisiensium, et sexaginta tres modii bladi, et insuper sexaginta octo milia alectium, que omnia per manus elemosinarii et ballivorum regis distribui consueverunt pauperibus monasteriis, domibus Dei, leprosariis et aliis piis locis ac personis miserabilibus et egenis, in augmentum eciam elemosinarum que cotidie per manum elemosinarii predicti minutis pauperibus erogantur tempore predicto quadragesimali, ob devocionem sacri temporis, diebus singulis, centum solidi parisiensium per manum ejusdem elemosinarii minutis pauperibus consueverint a predecessorurn nostrorum temporibus erogari, nos, pro illius Summi Largitoris amore de cujus manu bona suscepimus universa, et pro remedio anime nostre, et inclite recordacionis regis Ludovici, genitoris nostri, et regine Blanche, genitricis nostre, et aliorum antecessorum nostrorum, volumus, statuimus et eciam ordinamus ut predicta elemosina, tam in peccunia quam in blado et aliis supradictis, imposterum a nostris successoribus, regibus Francie, firmiter et inviolabiliter observetur, et sine diminucione vel contradictione quacumque, de proprio regis erario, singulis annis, imposterum exsolvatur, heredes nostros, reges Francie, ad id imperpetuum obligantes. Presentes autem litteras per magistrum et fratres Domus Dei Parisiensis in eadem domo custodiri volumus, et heredi nostro, ceterisque successoribus nostris, regibus Francie, quociens opus fuerit, exhiberi. Et nos, intuitu divini amoris, et pro remedio anime nostre et antecessorum nostrorum predictorum, et ut diligentius et studiosius presentes littere custodiantur ibidem, donamus et concedimus eidem domui et pauperibus in ea degentibus decem libras parisiensium annui redditus percipiendas imperpetuum ab eisdem apud Templum, Parisius, de denariis regiis, in inicio Quadragesime, pro querendis amigdalis et aliis neccessariis ad usus pauperum in Quadragesima antedicta. Quod ut perpetue stabilitatis robur obtineat, presentem paginam sigilli nostri auctoritate ac regii nominis karactere inferius annotato fecimus communiri. Actum Parisius, anno Incarnacionis dominice M° CC° sexagesimo, mense septembri, regni vero nostri anno tricesimo quarto. Astantibus in palatio nostro quorum nomina supposita sunt et signa. Dapifero nullo. Signum Johannis, buticularii. Signum Alfonsi, camerarii. Signum Egidii, constabularii. Data vacante (monogramme) cancellaria.