Rondeaux (Christine de Pisan)/XXXVIII

Christine de Pisan

Puis qu’ainsi est que ne puis pourchacier

Rondeaux, Texte établi par Maurice Roy, Firmin Didot, 1886 (p. 168).

XXXVIII

Puis qu’ainsi est que ne puis pourchacier
Nulle merci vers vous, ma chiere dame,
De vous me pars, moult courroucié par m’ame.

D’y plus venir ne me quier avancier,
Car ce pourroit vous tourner a diffame
Puis qu’ainsi est que ne puis pourchacier.

Et si ne sçay comment pourray laissier^[1]
L’amour que j’ay a vous, qui si m’enflamme ;
Mais du laissier ne me doit blasmer ame
Puis qu’ainsi est que ne puis pourchacier.

1. XXXVIII. — 7 B Ne si ne s.