Rondeaux (Christine de Pisan)/XLVIII

Christine de Pisan

Comme surpris

Rondeaux, Texte établi par Maurice Roy, Firmin Didot, 1886 (p. 174).

XLVIII

Comme surpris
Et entrepris
De vostre amour,
Je me rens pris
En vo pourpris,
Dame d’onnour.

Si ne mespris
Quant j’entrepris
Si haulte honneur^[1]
Comme surpris.

Mais en despris
Ne m’ait le pris
De vo valour ;
Car j’ay apris
Les biens compris
En vo douiçour
Comme surpris.

1. XLVIII. — 9 A¹ Si hault h.