Recueil des lettres missives de Henri IV/1577/6 janvier ― À monsieur de Larmavaille

◄

précédente

Henri IV Lettres missives 1577

suivante

►

1577. — 6 janvier.

Orig. – B. R. Fonds Béthune, Ms. 8886, fol. 28 recto.

À MONS^R DE LARMAVAILLE.

Mons^r de Larmavaille, Voulant donner promptement ordre aux volleryes qui se commettent en plusieurs lieux de mon gouvernement et y maintenir les subjectz du Roy mon seigneur en bonne paix, sans aucune foulle, n’ayant rien en si grande detestation que l’oppression du peuple, nous avons incontinant faict expedier noz lettres de commission aux sieurs de Duras, de Montferrant^[1] et Genissac^[2] pour y donner l’ordre requis et necessaire, et empescher lesdites viollances, et faire rendre ce qui a esté prins, et mettre les prisonniers en toute liberté. Et parce que, pour cest effect, ilz pourront avoir besoing de force, je vous prie leur assister de vostre personne et de voz amyz, pour l’execution de nostre commission. Vous assurant que vous ne me sçauriez faire plaisir plus agreable que cestuy là, et duquel j’aye meilleure souvenance pour le recognoistre en ce que j’auray le moïen. Et parce que j’espere que vous y employerez de telle affection et bonne volonté que je desire, je ne vous en feray ceste lettre plus longue, que pour prier Dieu vous avoir, Mons^r de Larmavaille, en sa saincte et digne garde. Escript à Agen, ce vj^e janvier 1577.

Vostre bien bon amy,
HENRY.

1. Guillaume Faubournet de Montferrant, écuyer, seigneur du Maine en Périgord, et de Saint-Orse, fils de Guillonet de Montferrant et d’Odette de la Beaune, mort en 1621, dans la religion réformée. (B. R. cabin. généal. art. Faubournet.)
2. Bertrand de Pierre-Bussière, seigneur de Genissac, fut un des seconds de Biron dans le duel avec Claude d’Escars, prince de Carency, qui fut tué avec ses seconds.