Page:Watriquet de Couvin - Dits, édition Scheler, 1868.djvu/273

Point de paine à lui revengier,
360Ne ne veult pechié desdaignier.
Seignorir doit et elle sert ;
C’est grant pitiez, qu’elle desert
Que la chars la met à merci,
Ainssi con tu le vois ici.
365Ces fors chevaliers aterrez
Hors de foi sont et desperez ;
Point ne se metent à desfense
Vers leur fames ; chascuns ne pense
Fors à li lessier couvenir.
370Ainssi ne puet on pas venir
A la grace Dieu ne des sains.
Il sont armé, haitié et sains,
Mès ce n’est que de lascheté
Qu’ensi sont à terre geté
375Li pluseur, mat et desconfis.
Or en soies certains et fis
^[1]Que la haute honneur n’aquerront
Cil qui ou servage cherront
De leur chars ne des grans pechiez,
380Ainz en sousferra les meschiez
La lasse ame, et la grant doulour.
Elle comparra la folour,
Ainssi con tu le pues veoir,
De ce que si poi de pooir
^[2]385Mist en lui garder et desfendre
Et à bien faire. Or pues entendre
Comment la chars par trop pechier
Fait l’ame en enfer trebuschier
^[3]Et les desconfit par l’envie

1. Qui la ; AB. Que jà.
2. AB. en li sauver.
3. Mon ms. et B. ont les, en rapport avec les chevaliers ; la construction et le sens font préférer la, qui est, en effet, la leçon de A.