moult de chevauchier et d’aler par nuit et par jour tant qu’il vint à i pas qu’il ne pooit eschiver, et passerent tout oultre sanz nul peril, car les espiees au roy d’Espaigne ne se sorent tant haster qu’il peussent venir au devant. Ainsi eschaperent des mains à leurs anemis sanz perte et sanz dommage. Aucuns des barons d’Espaigne virent que le roy leur seigneur aloit encontre son serement de ce qu’il avoit en convenant au roy de France, si ne vouldrent faire hommage à Sanse son filz qui ja estoit en possession du royaume d’Espaigne ; entre lesquiex Jehan Monge[1] en fu l’un. Pour la rayson de ce, le roy d’Espaigne li tolli toute sa terre ; et cil Jehan Monge s’en vint en France au roy Phelippe et li dist qu’il estoit prest et appareillié d’aler contre le roy d’Espaigne et de li grever tant comme il pourroit, comme cil qui estoit parjure et qu’il avoit faussé son convenant. Le roy Phelippe qui bien sot la verité, le reçut moult honnorablement et li donna grans dons et li fist aministrer grant somme d’argent pour faire ses despens. Ja soit ce que le roy fust moult esmeu d’aler encontre le roy d’Espaigne, ne voult-il pas assambler son ost jusques a tant qu’il fust conseillié aus prelaz et aus barons de son royaume, et qu’il eust autres messages envoiez au roy d’Espaigne pour savoir s’il fust hors de son mauvais propos.
Incidence[2]. — Robert conte d’Artois ala visiter
- ↑ Dans le texte latin il est appelé : « Johannes Nunnii », Primat l’appelle Jehan Dognes ; c’est don Juan Nunès qui après la mort de don Fernando émigra en France et fut pris à la solde de Philippe III (Langlois, op. cit., p. 100 et 367).
- ↑ Dans G. de Nangis, cette incidence débute ainsi : « Eodem anno quo supra obiit papa Gregorius X, cui successit In-
