droit vers la terre de Triple[1]. Li rois de Jerusalem ot consel a ses barons et envoia contre li le patriarche Fouchier por li prier et requerre que sanz demorance se traisit vers la sainte cité où li empereres d’Alemagne et li rois Baudoins l’atendoient. Sanz faile il se doutoient que li princes d’Anthioche ne s’acordat à lui et le fait retorner vers la soue terre, ou que li cuens de Triple, qui ses cousins estoit, ne le fait demorer ou siem païs. La terre, qui outre mer estoit, que li chrestiem tenoient à ce jor estoit tote partie en IIII baronies. La prumiere estoit devers miedi ; ce estoit li roiaumes de Jerusalem qui commençoit d’un ruisel qui est entre Gibolet[2] et Barut[3], II citez de la terre de Fenice[4] qui sient en la marine, et finoit es deserz qui sont outre le Daron[5], si com l’an se trait vers Egypte. Ge apele le roiaume baronnie, por ce que il estoit si petiz. La seconde baronie estoit devers bise, ce estoit le contehez de Triple ; si commençoit au ruisel que ge vous ai dit, et duroit juques à un autre ruisel qui est entre Marnelée[6] et Valenie[7], II citez ausinc de la marine. La tierce baronie estoit la princée d’Anthioche qui commençoit de ce darrenier ruisel et duroit devers soleil couchant juques à la cité de Tarse[8] en Cicile. La quarte
- ↑ Triple, auj. Tripoli, port de Syrie.
- ↑ Gibolet ou Gibelet, auj. Djebaïl, l’ancienne Byblos, port sur la Méditerranée entre Tripoli et Beyrout.
- ↑ Barut, auj. Beyrout.
- ↑ Fenice, Phénicie.
- ↑ Le Daron ou Darom, partie méridionale de la Palestine confinant à l’ancienne Arabie Pétrée.
- ↑ Marnelée ou Maraclée, auj. Mercale, ville sur la Méditerranée au nord de Tripoli.
- ↑ Valenie, au nord de Margat et de Maraclée.
- ↑ Tarse, auj. Tersous, Asie Mineure, capitale de la Cilicie.
