Huom[1], l’arcevesque de Seanz, et fu en cele asemblée, Sanses[2], li arcevesque de Rains, Hues[3] cil de Rouam, et cil de Bordiaus[4] et plusor de lor evesques et des barons de France grant partie. Lors se traidrent avant cil qui le lignache devoient prover et firent le sairement li cousim et li parent, et didrent par lor sairemenz que li rois et la roine estoient bien prochaim parent, et ensi furent desevré li uns de l’autre. Si avint après ce desevrement, que la roine Alienors s’en aloit en Aquitaine sa terre ; si l’apousa li dux de Normendie Herris[5] qui puis fu rois d’Angleterre. Et li rois Loois maria ses II files que il avoit receues de la roine Alienor ; l’ainnée, qui Marie avoit non, dona au conte Herri[6] de Champaigne et la mainnée, qui estoit apelée Aaliz, à son frere le conte Thiebaut de Blois[7].
Li rois, qui selonc la divine loi vouloit vivre, qui commande que l’on prangne fame selonc le droit esgart de sainte Eglise, et soient endui une maime chars, prist à espouse la file l’emperaor d’Espagne[8], en es-
- ↑ Hugues de Toucy, archevêque de Sens de 1142 au 3 février 1168, date de sa mort.
- ↑ Samson de Mauvoisin, archevêque de Reims de 1140 à sa mort (21 septembre 1161).
- ↑ Hugues d’Amiens, archevêque de Rouen du 14 septembre 1130 à sa mort (11 novembre 1164).
- ↑ Geoffroi III du Louroux, archevêque de Bordeaux de 1136 à sa mort (18 juillet 1158).
- ↑ Éléonore épousa Henri II, duc de Normandie, dès le 18 mai 1152.
- ↑ Henri Ier dit le Libéral, comte de Champagne, fut fiancé dès 1153 à Marie.
- ↑ C’est vers 1164 que Thibaut V dit le Bon, VIIIe comte de Blois, épousa Alix en secondes noces.
- ↑ Constance, fille d’Alfonse VIII, roi de Castille, que Louis VII épousa en 1154 à Orléans.
