son[1] et de Kallemaine le fil le roi, et li rois par ceus de son conseil departi les terres et les honors Bernart[2], le marchis de Gothie, par Tierri[3] le chambellanc et par Bernart le conte d’Auvergne[4].
De Troies se parti li Apostoles Jehans et s’en ala à Chalon[5] et puis à Moriene[6]. Après, passa les monz de Moncenis et ou convoi de Boson et de sa fame[7] entra es plains de Lombardie, et s’en retorna à Rome, et li rois se parti de Troies et retorna à Compiegne. Là oï noveles des messages que il avoit envoiez à Loys[8] son cousin et ce que il avoient fait de la besoigne. Si les avoit là envoiez pour traitier de pais entre lui et son cousin. De Compiegne, mut atout une partie de son conseil et s’en ala à Haristalle. D’autre part vint Loys ses cousins, es kalendes de novembre, et assemblerent en une cité qui a non Marsne[9] ; là fu pais confermée entre eus II, et puis mistrent un autre parlement d’assembler à la Purification Nostre Dame. Lors vint li rois Loys, li fiuz l’empereor Kalle le Chauf à Gondolvile[10] et li rois Loys, li fiuz le roi Loys de Germanie revint
- ↑ Carloman, fils de Louis le Bègue et d’Ansgarde, épousa Ingeltrude, fille de Boson, comte de Provence, beau-frère de Charles le Chauve.
- ↑ Bernard II.
- ↑ Ce Thierry, chambellan, devint ensuite comte d’Autun.
- ↑ Bernard III, marquis de Gothie, comte d’Auvergne.
- ↑ Latin « Cabillonem » (Chalon-sur-Saône).
- ↑ Latin « per Moriennam iter agens », ce qui désignerait alors la Maurienne, plutôt que la ville de Saint-Jean-de-Maurienne (Savoie).
- ↑ Latin « Bosone et uxore illius deductus ».
- ↑ Louis III le jeune, roi de Saxe, second fils de Louis le Germanique.
- ↑ Marsne, auj. Mersen, ville du Limbourg hollandais.
- ↑ Gondolvile, Gondreville.
