esté de la promotion Ignace[1] et de l’ordenement Foncin[2]. Cil Foncins fu cassez et escommeniez et Ignaces ordenez. En ce concile refu ausi ordené des ymages aourer tout autrement que li ancien pere n’en avoient senti, dont li Grec en contredidrent aucunes choses en leur conciles meesmes, et quant à aucunes choses s’acorderent pour la favor et pour la grâce Adrien l’apostoile de Rome, qui à iaus s’acordoit des ymages aourer.
A Romme vint li empereres Looys, la veille de Pentecoste[3], et l’endemain fu coronez par la main l’apostoile Adrien en l’eglise Saint Pere, et quant la messe fu chantée, li Apostoiles meismes le mena tout coroné a granz compengnies de chevaucheors jusques ou palais Saint Jehan du Latran. En grant haine avoient l’empererriz Engeberge li plus haut home d’Ythalie pour son orguel. Pour eus toz envoierent à l’empereor Looys le conte Guinise[4] et firent tant vers lui, que il li manda que ele ne se meust d’Ythalie et que ele l’atendist jusques a tant que il fust retornez. Mais ele ne tint gaires ce commandement, ainz s’en ala après lui assez tost après. Si ot avant ce envoié à Kalle le roi de France, l’evesque Guimbode[5], pour grâce et
- ↑ Il faut lire, suivant le texte latin : de la déposition Ignace, « de Ignatii depositione ».
- ↑ Foncin ; c’est Phocius qui est ainsi désigné.
- ↑ Le 17 mai 872.
- ↑ Ce n’est pas le « conte Guinise », mais sa fille qu’ils envoyèrent en place d’Ingelberge : « Et quia primores Italiæ Ingelbergam propter suam insolentiam habentes exosam, in loco illius filiam Winigisi imperatori substituentes, obtinuerunt apud eumdem imperatorem, ut missum suum ad Ingelbergam mitteret, etc. »
- ↑ C’est l’évêque de Parme Wibod qui occupa ce siège de 857 à sa mort (28 juin 895).
