Page:Viard - Grandes chroniques de France - Tome 4.djvu/194

I.

Comment si frere se combatirent contre lui et comment il furent desconfit et s’enfuirent, et puis comment il pacifierent et partirent l’empire et comment Lothaires fu moines et trespassa en religion, et comment I de ses freres fu deceuz, et de maintes autres choses.

^[1]Après la mort l’empereor Loys (qui par seurnon fu apelez li Debonaires, qui fu fiuz Kallemanne le Grant), dui de ses fiuz, Lothaires et Loys, assemblerent granz oz de toutes les parties de leur roiaumes contre Challe le Chauf leur frere qui estoit rois de France (voir est qu’il n’estoit leur freres que de pere, car il fu fiuz de la darrene dame^[2] qui out à non Judith). Moult avoient seur lui grant envie, pour ce que il avoit à sa part le plus noble des roiaumes. Tant assemblerent de genz que il aplovoient de toutes parz ausi comme langostes^[3]. Et quant Kalles sout ce, il manda ses barons et leur demanda quel conseil il i voudroient metre, et il li respondirent tuit d’un cuer et d’une volenté que en nule maniere ne souffreroient que il entrassent en leur contrées ne es termes du roiaume. Moult fu li rois liez de si bele response et moult les en

1. Ce début est emprunté à l’Historia regum Francorum monasterii Sancti Dyonisii (Monumenta Germaniæ historica, Scriptores, t. IX, p. 401. Cf. Rec. des Hist. des Gaules et de la France, t. VII, p. 255). Les parties mises entre parenthèses sont du traducteur.
2. De sa première femme Hermengarde, morte le 3 octobre 818, Louis le Débonnaire avait eu Lothaire, Pépin (roi d’Aquitaine, mort en 838) et Louis.
3. Langostes, sauterelles.