Et pour ce que il se doutoit que la granz plentez des traiteurs et de ceus qui à eus se tenoient ne seurmontast le petit nombre de ses amis, il fist commander que chascuns venist à ce parlement, simplement, sanz armes et sanz grant compagnie.
Au conte Lambert, manda que li païs et toute cele contrée fust bien gardée ; si envoia ovec lui l’abbé Ysacar pour faire droit et justice.
A ce parlement vindrent de toutes parz, au terme qui fu mis. Efforciement i vint ausi comme toute Alemagne pour aider à l’empereor, se mestier fust. Il se propensa comment il porroit afebloier la force de ses anemis ; pour ce, reprist et blasma l’abbé Hyldoin et li demanda pourquoi il estoit là venu à armes et ensi garniz, comme contre ses anemis, contre le commandement qui ot esté faiz. Et pour ce que il ne le pot nier, il li fu tantost commandé que il s’en issist hors du palais et que il s’en alast yverner en son pavellon a poi de sa gent, delez une vile qui a non Patebrune[1]. A l’abbé Wallat de Corbie, refu ausi commandé que il retornast en s’abeïe, et vesquist en son cloistre selonc sa reule. Et quant li traiteur et cil de leur partie virent ce, il se desespererent forment. Onques toute cele nuit ne finerent d’aler et de venir et de comploter ensemble. A l’ostel Lothaire, le fil l’empereor, s’asemblerent tuit et li donerent en conseil que il convenoit à force que on se combatist ou que l’en se departist du parlement maugrré l’empereor. En tiex consauz despendirent toute la nuit. Quant ce vint au matin, li
- ↑ Paderborn.
les Francs, « diffidens quidem Francis, magisque se credens Germanis » (Vita Hludowici).
