cier lor ost des genz de la terre. Mais, quant il furent là venu, il troverent que li Saine s’estoient torné contre le roi par le conseil Quithequin, et estoient tuit apareillié contre els à bataille[1]. La besoigne pour quoi il estoient meu entrelessierent et tornerent tot droit la où il avoient oï dire que lor anemi estoient assemblé[2]. En lor voie encontrerent le conte Theoderic, qui cosins estoit le roi[3], tot prest en lor aide à tant de gent com il pot avoir assemblé si soudainement, quant il sot que li Saine s’estoient alié contre le roi. Il se prist garde que il se derroient[4] trop folement et se hastoient trop desproveuement de corre sor lor anemis. Pour ce, lor dist et conseilla que il les feissent avant espier pour savoir où il estoient, coment il se contenoient et quel nombre de gent il avoient ; et quant il seroient certain de lor estat, si les porroient envaïr, se li lieux estoit tiex que il peussent à els combatre tot de front. A ce conseil s’acorderent tuit ; si chevauchierent tuit ensemble jusques à une montaigne qui a non Sontal[5].
- ↑ Le royal ms. 16 G VI ajoute : « Et quant l’ost de Charlemaine sçot que les Sesnes s’estoient tournez contre Charlemaine. »
- ↑ Le royal ms. 16 G VI met en marge : « A dire quels ; les Sesnes. »
- ↑ On a dans le texte latin : « Theodericus comes, propinquus regis. » Ce comte Théoderic fut battu et tué en 793 par les Saxons (Pertz, Mon. Germ. hist., Scriptores, t. I, p. 179).
- ↑ Que il se derroient, qu’ils allaient en désordre.
- ↑ Sontal, auj. le Süntel, partie de Wesergebirge, au nord de Hameln, sur la rive droite du Weser, entre Ritteln et Minden (Prisse, ch.-l. de district de la prov. de Westphalie), d’après Pertz, ibid., p. 164, n. 83. La partie septentrionale de cette montagne est encore appelée : das Dachtelfeld, le champ du soufflet.
