Le texte de cette page a été corrigé et est conforme au fac-similé.
braz vers la forterece. Lors brochierent li crestien et se meslerent ovec les Sarrazins qui emportoient Fernagu. Ou chastel entrerent à force ovec les Sarrazins qui estoit fermez au desus de la cité. Occis fu li geanz et li Sarrazins, li chastiaus et la cité prise et li prisonnier delivré par la vertu Nostre Seigneur.
IX.
Coment li aumaçors de Cordres et li rois de Sebile rapareillierent bataille contre Karlemaine, puis que il furent eschapé de la cautele malicieuse que li Sarrazins firent pour les chevaus de noz espoanter et du remede que li empereres trova contre ce, et coment li rois de Sebile fu occis et li aumaçors eschapa, qui puis fu baptiziez.
[1]En poi de tens après ces choses ensi faites, fu raconté à Karlemaine que en la cité de Cordres, l’atendoient à bataille li aumaçors de cele cité maismes et Hebram, li rois de Sebile, qui s’en estoient eschapez de la bataille de Pampelune où Aygolant fu occis. Si estoient à els venu en aide li Sarrazins de vii citez[2] : de Sathyve[3], de Denye[4], de Ubode[5], de Abule[6], de Baecye[7], de Sebile et Granade[8].
- ↑ Turpini historia Karoli magni, chap. xviii.
- ↑ Dans le texte latin, ces villes sont ainsi désignées : « De septem urbibus : Sibilia scilicet, Granada, Sativa, Denia, Ubeda, Abula, Baetia. »
- ↑ Sathyve, auj. Jativa, prov. de Valence.
- ↑ Denye, auj. Denia, prov. d’Alicante.
- ↑ Ubode, auj. Ubeda, prov. de Jaën.
- ↑ Abule, auj. Abla, prov. d’Almeria.
- ↑ Baecye, auj. Baeza, prov. de Jaën.
- ↑ Sebile et Granade, Séville et Grenade.
