doivent pas retorner aus vices que[1] il ne soient occis des deables par mauvese fin. Et ausi come cil qui retornerent aus estranges despoilles perdirent la presente vie et reçurent laide mort, ausi est-il des genz de religion qui le siecle ont adossé[2] et guerpi et puis retornent aus terrienes honors. Tiex genz, se il ne se gardent, perdent la celestiau vie et embracent la mort perdurable.
[3]L’endemain fu dit à Kerlmaine que uns princes de Navarre, qui Forrez avoit non, s’apareilloit à bataille contre li ; si estoit en un chastel qui siet sor la montegne de Gazigni[4]. Là vint Karlemaines et li Sarrazins s’apareilla contre lui. Le soir devant le jor de la bataille, fist Karlemaines proiere à Nostre Seigneur que tuit cil qui en cel estor devoient morir fussent cognoissant des autres ; et quant tout li oz fu armez, Nostre Sires fist tel demonstrance que croiz rouges aparurent par desus les hauberz, sor les espaules de ceus qui en cele bataille devoient morir. Lors les desevra des autres et les enclost en une chapele pour ce que il ne fussent occis. Que vous conteroit-on plus ? La bataille fu faite, li Sarrazins desconfit, li princes Forrez occis et iiim Sarrazins et li crestien que Karlemaines ot enfermez en la chapele furent trové mort. Par nombre estoient c et l. O ! com sont li jugement et les
- ↑ Que, afin que.
- ↑ Adossé, méprisé.
- ↑ Turpini historia Karoli magni, chap. xvi.
- ↑ Latin : « Ad montem Garzim », auj. Monjardin, colline sur laquelle était placée une ancienne forteresse sarrasine qui domine le village de Villamayor, province de Navarre, sur la route d’Estella à Longroño. Voir Joseph Bédier, op. cit., t. III, p. 127.
