En ce point envoia li rois Looys son fil à tot une partie de sa gent pour assegier la cité d’Oiste[1], et il mut en Saisoigne, si come il soloit, por tot destruire le païs et pour refraindre la desloiauté de cele perverse nation. Si ne s’en parti ainques jusques à tant que il ot cerchies toutes les contrées du païs, car il ostoia tout outre jusques aus darreenes parties par delà, qui durent jusques en la grant mer et sont encloses entre ces ii fluns, Albe et Wisare. Quant il ot tot triblé et mis à destruction, il retorna à Es la Chapele. Tandis com il sejornoit iluec, vint à li en message Obdelles, uns Sarrazins, fiuz Abimauge[2], li roi de Moretaine[3], et uns autres messages Nicethe, le patrice de Sezile, qui Theotises avoit non, qui li aportoit lettres de l’empereor de Costantinoble[4]. Ces messages oï et congea, et retorna chascuns en sa terre. Lors ot conseil li rois que il iroit yverner en Saisoigne, pour mener du tot à fin cele guerre qui tant avoit duré. A ses ii fiuz, Pepin et Loys, manda que il venissent à lui ; et cil firent son commandement tantost com il furent venu d’ostoier, Pepins d’Ythalie et Loys d’Espagne. Le Rim passa et entra en Saisoigne, ses herberges fist tendre sor le flum de Wisare. Ce lieu où ses oz fu logiez fist
- ↑ « Ad obsidionem Oscœ ». Huesca, Espagne, ch.-l. de la prov. du même nom.
- ↑ « Adbellam Sarracenum, filium Ibin Mauge regis. » D’après Reinaud, Invasions des Sarrazins en France, p. 109, c’est Abdallah, oncle de l’émir de Cordoue, qui, ayant échoué dans ses tentatives pour s’emparer du trône, invoqua l’assistance de la France.
- ↑ Le texte latin est mal traduit. On dit qu’Abdallah partit de Mauritanie, mais non qu’Ibin Mauge fût roi de ce pays, « filium Ibin Mauge regis, de Mauritania ad se venientem ».
- ↑ Constantin VI.
