Richesse à suffisance, parfaite conscience, continuel repos, et plaisir d’ame et de corps.
Le père doit procurer quatre choses à son fils :
Le faire instruire aux bonnes mœurs, luy faire apprendre ung mestier, le reduire à son obeyssance, et le chastier mediocrement.
L’enfant doit quatre choses au père :
Honneur et respect, luy obeyr en bien faisant, ne le provoquer à courroux, et procurer le bien et utilité de la maison.
Quatre choses doit faire un mary à sa femme :
La tenir en crainte, la maintenir en santé de l’ame et du corps, luy porter amour, et l’habiller honnestement.
Quatre choses doit faire la femme à son mary :
L’aymer avec plaisir et patience, ne lui respondre point quand il est fasché, le tenir en bon regime de vivre, et le tenir net.
Quatre choses doit avoir une fille :
Sobre en son manger, propre en habits, modeste en parler, et grave à marcher.
La femme doit avoir quatre qualilez :
Honneste en son alleure, soigneuse de son mesnage, devote en l’eglise, et obeyssante à son mary.
Quatre choses doivent avoir l’homme et la femme envers Dieu :
Foy, esperance, charité, humilité.
Quatre fins dernières de l’homme :
La mort, le jugement, l’enfer, et le royaume des cieux.
Cinq choses deplaisent à Dieu :
La langue mensongère, le sang innocent espandu,
