Cette page a été validée par deux contributeurs.
Cette captiuité me plaiſt :
Ie ne demande point de fortune meilleure
Que de bruſler touſiours, pourueu qu’Yris demeure
Au meſme eſtat qu’elle est.
SOVPÇON.
STANCES.
RANTE, ie veux auoüer,
Que i’ay ſujet de me loüer
Des bons mouuemens de voſtre Ame,
Qui fit aſſez d’eſtat de moy,
Pour vouloir reſpondre à ma flame
Sans auoir recogneu ma foy.
Ie vous ſuis vrayment obligé
De ne m’auoir point engagé
Parmy des longueurs inhumaines,
Et de n’auoir voulu ſauuer
Tant de deuoirs & tant de peines
Dont vous me pouuiez eſprouuer.
