Page:Tabourot - Les Bigarrures et Touches du seigneur des Accords - 1640.djvu/389

Qui a sous le bout du buscq,
Un morceau de bonne prise,
Gardant chose si exquise
Entre les roses & le muscq.
V.
Je porte ce casque honneste ;
Pour n’avoir poil en la teste,
Et le visage masqué,
Estant infiniment laide,
Le feu qui dedans excede ;
M’en a le dehors masqué.
T.
Je suis ce grand vœu de cire,
Que l’on offroit à sainct Cire,
Pour l’enfleure des roignons ;
Un vieil Astre, une Pandore,
Et l’Idole qu’on adore,
Aux bruslantes regions.
V.
J’ay les talons armez d’aisles,
Pouvant atteindre par elle ;
A la vistesse du vent :
Mais en armant mon derriere.
De differente maniere,
Te desarme mon devant.
T.
Mercure eut aux pieds des aisles,
Et moy dessous les aisselles,
Comme les Chauve-souris,
J’ay la blancheur de la moure,
Et ris alors que je pleure,
Et si pleure quand je ris.