parce qu’elles commencent la premiere syllabe du mot qu’on veut signifier : Comme Instit. Institutiones, Authen. Authentica, mesmes tous les Tiltres du Droict, s’abrevient de ceste façon : Comme si cert. pet. si certum petatur. Ce que l’on interpreta une fois, si certain pet. De pa. po. de patria potestate. Surquoy, puis qu’il m’en souvient, je te feray ce conte d’un certain, qui faisoit bien l’habile, qui se trouva un jour en une compagnie, où l’on disoit que bien-heureux estoit le siecle auquel on ne parloit ny de Papaux ny de Huguenots. À quoy il respondit, que quant au mot de Papau, il n’estoit pas fort nouveau, parce que mesme en Droict il y en avoit un Tiltre expres : & allegua à ce propos, ce Tiltre de pa. po. aux Institutes, Rubr. 9.
Celuy qui parloit contre le luxe de nostre ficcles, & disoit qu’il estoit défendu aux Iuges d’avoir un cuisinier par disposition de Droit. tit. vt iudices fine quoque, &c. avoit aussi bonne grace. Or pource que tu as Modus legendi abreviaturas in Iure assez pour t’exercer dix-huit mois, je viendray aux mots de nos chiquaneries Françoises, qui font aux carnets de nos Greffieurs feulement : comme ap. apoinctement, p. preuves e, en p. è contrà en personne. d. deff. rep. dup. demandes, defenses, repliques, dupliques. Car en leurs copies qu’ils font, ils allongent tellement les SS qu’en un fueillet il n’y aura pas douze lignes ; & chaque ligne deux ou trois mots : Encor que l’ordonnance fait curieusement réglé : car elle veut que chaque fueillet contienne vingt lignes, & en chaque ligne cinq mots pour le moins.
