me jalouse n’aura jamais santé.
Je voy auiourd’huy infinis, qui escrivent & publient quelque chose, qui ne mettent que les seules premieres lettres de leur nom & surnom. Ce qui donne occasion à plusieurs de rencontrer sur le subjet de leurs livres, de plaisantes gausseries, & à bon droict : car que leur sert de faire deviner un lecteur sur deux lettres ; qui se peuvent attribuër à mille choses.
Ou bien ils font cela d’une extreme ambition de vouloir estre curieusement recherchez, ainsi que la Nymphe Virgiliane :
Et fugit ad salices, & se cupit ante videri.
Comme si leurs lettres ainsi choisies devoient servir de Notes inviolables à la posterité. La Fontaine en son art Poëtique en a donné un traict gentil, mais indigne de du Bellay, auquel il s’est trop pedamment attaché. Celuy-cy, ie croy, n’offencera personne :
Girard Panon fit construire à Dole le portail des Cordeliers, & peindre le devant avec ses chiffres de P. & G. On l’interpreta diversement : Monsieur de Popincourt dit que c’estoit Pate grise, Potage gras ; le sieur de Monipoli, disoit, Pauvres gens, Poil grison, Pasle, grimaces.
Pour sçavoir le lieu où les monnoyes se font, & en quelles villes de France, pour la marque on a donné à chacune une lettre, Comme :
