Scaliger, parce que Cardan n’a extrai & de la 13. figure que treize vers ; combien qu’il y en ayt trente-cinq, qui comprennent quatre croix, au lieu qu’és treize vers il n’y en a qu’une. Et quant à Scaliger, il le monstre bien en ce qu’il se jacte d’avoir trouvé une autre subtilité de Raban, qui a mis quatre A, un en chacun angle du vers.
Et neantmoins ny l’un ny l’autre n’a pas observé comme chaque vers consiste en trente cinq lettres seulement, de sorte que ces lettres se rapportent au nombre des vers : & font un quarré parfaict. : D’avantage le premier vers commence & finit par A : le dernier commence & finit par I. & celuy du milieu se commence & finit par E. Cela vrayement pour sa contrainte est admirable, & à mon jugement, inimitable. Mais ce bon Abbé de Folden, qui vesquit environ l’an huict cens quarante a bien fait plus, parce que (comme luy-mesme le declare) il a si bien proportionné ses quatre Croix esgales, qu’elles consistent chacune de 69. lettres lesquels nombres de lettres assemblez font 276. qui font neuf mois 6. jours, le vray temps que l’Église tient, selon sainct Augustin en son livre de la Trinité, que Jesus Christ nostre Sauveur, a esté porté aux ventre virginal : car sa conception est le xxv. Mars, & sa Nativité le xxv. Decembre. Aussi Raban sur l’inscription de ladite figure l’a ainsi inscrite, De diebus conceptionis Christi in utero Virginis quatuor crucibus demonstratis, hoc est 276. & ciusdem numeri significatione. Il ne faut pas donc trouver estrange, si la quantité n’est pas entierement & exactement observee ausdicts vers, encor que j’attribuë cela à l’ignorance du siecle, plustost que du bon Abbé, comme aussi s’il usurpe q ; & ú pour une lettre. Or à fin que l’on voye plus clairement quels
