l’avoit pris en la touche de la maistresse, noire comme un charbon, & mauvaise comme un beau diable pour recompense : mais les censures feminines qui sont au milieu du vers,
Qui vous dit belle — Il ne dit verité
Il dit bien vray — Qui laide vous appelle
Vous estes telle — En fait de loyauté
Comme bien sçay — Estes la nom pareille
Tousjours auray — À vous haine mortelle
A vous fiance — N’ayrai jour de ma vie
Et aymeray — Qui vostre mal revele,
Vostre accointance — Dieu confonde & maudie.
L’on peut adjouster aux vers Couppez les subtilitez curieusement monstrueuses de Rabanus, desquelles Cardan en rapporte une en son liure des Subtilitez. Mais il est impossible, je pense, d’en voir un qui soir, en tout & par tout, parfait pour la quantité & bons sens : Comme le monstre bien Scaliger advesas Cardanum : quoy qu’il se jacte en avoir faict infinis curieux & semblables, mais je ne les ay jamais veu. Si le lecteur en trouve quelqu’un en ses œuvres, qui soit bien fait, comme j’estime qu’il ne sçauroit rien sortir que parfaict d’ya si grand personnage, il le pourra icy faire adjouster.
