Page:Scudéry - Artamène ou le Grand Cyrus, troisième partie, 1654.djvu/554

la Terre. De ſorte qu’Artabane n’ayant plus rien à attendre en ce lieu là, s’en retourna au Camp, porter la nouvelle aſſurée de la perte d’Otane, comme l’ayant veû mort de ſes propres yeux : Eſtant à croire que fuyant comme les autres avoient fait dans ce petit Vallon, & eſtant bleſſé, il eſtoit tombé dans ce Torrent, & y avoit pery. Du moins fut-ce tout ce qu’Artabane en pût imaginer : car pour les autres gens, ils en penſerent cent choſes toutes contraires les unes aux autres. Tous ceux qui sçavoient l’intereſt qu’Aglatidas avoit à la vie ou à la mort de cét homme, s’en réjoüiſſoient : mais pour luy il eſtoit trop ſage & trop accouſtumé à la douleur, pour paſſer ſi toſt de la melancolie à la joye : & il diſoit ſeulement à tous ceux qui luy en parloient, qu’il n’eſtoit pas marry qu’Ameſtris fuſt delivrée de ſon Tiran. Cependant Megabiſe qui devoit auſſi en eſtre bien aiſe par la meſme raiſon, s’en affligea : parce qu’il creut qu’Aglatidas pourroit peut-eſtre enfin eſtre heureux. De ſorte que luy qui penſoit n’aimer plus Ameſtris, s’aperçeut qu’il l’aimoit encore, par le renouvellement de la haine ſecrette qu’il eut en cét inſtant pour Aglatidas. Il n’oſa pourtant la teſmoigner : car Cyrus l’aimoit ſi tendrement, que ç’euſt eſté un crime capital, que d’eſtre ſon ennemy declaré. Cependant Thraſibule eſtoit aupres de Tiſandre, que les Chirurgiens, apres avoir levé le premier appareil, trouverent un peu mieux ; le Prince Phraarte auſſi paſſa le jour fort doucement : ſi bien que le lendemain il pria Cyrus de ſouffrir qu’il allaſt vers le Roy ſon Pere ; parce que n’eſtant bleſſé qu’au bras & à la main, il ne laiſſeroit pas de s’aquiter de ſa commiſſion. Mais Cyrus