Page:Scudéry - Artamène ou le Grand Cyrus, troisième partie, 1654.djvu/353

Nitocris Reine d’Aſſirie l’en pria. Cependant le Roy de Pont qui n’avoit qu’un Fils, qui eſtoit deſja marié, mourut, & Arſamone changea de Maiſtre, ſans changer de condition : car enfin Seigneur, ce nouveau Roy de Pont & de Bithinie, Pere de la Princeſſe Araminte, quoy qu’il n’euſt pas eſté capable de faire un crime comme celuy du Roy ſon Pere ; neantmoins ſe trouvant en poſſession de deux Royaumes, il les garda, & ne voulut jamais entendre à nulle reſtitution. De ſorte qu’il falut qu’Arſamone diſſimulast encore, comme il avoit deſja diſſimulé, faiſant ſemblant d’eſtre content de ſa fortune : parce qu’il ne ſe voyoit pas en eſtat de pouvoir rien faire pour la rendre meilleure : Le Roy de Pont eſtant alors bien avec tous les Rois voiſins, & Arſamone n’ayant ny Troupes, ny argent pour en lever. Cependant Seigneur, le Roy de Pont avoit deux Fils & une Fille : & le Prince Arſamone eut auſſi une Fille & deux Fils, l’aiſné deſquels ſe nomme Spitridate, qui eſt celuy qui vous reſſemble ſi fort. Comme la Reine de Pont mourut fort jeune, la Princeſſe Araminte n’avoit que cinq ans quand elle la perdit : & comme feue ma Mere avoit l’honeur d’eſtre fort aimée de cette Grande Reine, elle luy fit la grace d’obliger le Roy ſon Mary à luy en donner la conduite. Mais pour vous monſtrer que cette Princeſſe avoit beaucoup de pieté, je n’ay qu’à vous dire qu’elle luy ordonna en ſecret, d’entretenir autant qu’elle pourroit, beaucoup d’amitié entre ſes Enfans & ceux du Prince Arſamone ; ſouhaitant ardemment qu’il s’en peuſt trouver un aſſez genereux, pour reſtituer un jour le Royaume de Bithinie à ceux à qui il appartenoit. Vous pouvez