prie les Dieux Madame (luy dit-il en prenant le bord de ſa robe, qu’il baiſa avec beaucoup de reſpect & de marque d’amour) que s’ils ont reſolu ma mort, elle ſerve du moins à vous remettre en liberté : & je les prie (adjouſta-t’elle en luy tendant la main) que je verſe pluſtost toute ma vie des larmes pour mes propres malheurs, que d’en reſpandre pour voſtre perte. vivez donc ſi vous voulez que je vive : & ne negligez rien de tout ce qui pourra ſervir à voſtre conſervation. Artamas prenant alors reſpestueusement la main qu’elle luy avoit preſentée, la luy ſerra doucement : & la regardant d’une maniere qui ſembloit demander à cette Princeſſe la permiſſion de baiſer cette belle & chere main, qu’elle luy avoit tenduë ſi obligeamment ; il vit qu’elle en rougiſſoit : & que la retirant, ſans violence touteſfois, il devoit ſe contenter de la grace qu’elle luy avoit voulu faire. De ſorte que la ſalüant de la teſte, avec le plus de reſpect que ſes bleſſures le luy purent permettre ; & la ſuivant des yeux, il la Vie partir le viſage couvert de larmes : qu’elle ne put cacher qu’en abaiſſant ton voile. Elle ne voulut pourtant pas que ſon Chariot marchaſt, qu’elle n’euſt sçeu que le Prince Artamas eſtoit dans celuy qui le devoit conduire juſques à une petite Ville qui n’eſtoit qu’à cinquante ſtades de là : Andramite ne voulant pas le faire mener au Chaſteau. D’Hermes, à cauſe de l’amitié que Ligdamis avoit pour ce Prince. Apres cela, la Princefſc Mandane & la Princeſſe Palmis, ſe mirent à deſplorer leur infortune : & à s’entretenir de leurs plus ſecrettes penſées.
Cependant Ligdamis qui avoit mené Tigrane, Phraarte, & Chriſante, en un endroit du Bois où on ne les euſt pas trouvez aiſément, attendoit la
