Page:Scudéry - Artamène ou le Grand Cyrus, quatrième partie, 1654.djvu/603

inutile : eſtant certain que le Prince Artamas sçavoit aſſez bien la guerre, pour ſe confier à luy d’une ſemblable choſe, & qu’il luy faiſoit ſi bien comprendre. C’eſt pourquoy il dit au Roy d’Aſſirie, qu’il iroit auſſi bien que luy : le Prince Artamas voulant auſſi eſtre de la partie, afin de leur faire voir preciſément comment il entendoit la choſe. Il fut donc reſolu qu’ils partiroient le ſoir meſme, avec des habillemens & des armes peu remarquables : qu’ils ne meneroient pas plus de deux cens chevaux, qu’ils laiſſeroient aupres du Chaſteau d’Hermes : n’en faiſant paſſer que cinquante ſeulement, pour aller reconnoiſtre les divers poſtes où le Prince Artamas avoit ſoûtenu qu’il falloit mettre leurs gens. Cette reſolution eſtant priſe, Cyrus fit appeller le Roy de Phrigie, pour luy laiſſer ordre de prendre ſoin de toutes choſes : diſant ſeulement à tous ſes Capitaines qu’il eſtoit allé viſiter les divers Quartiers de ſon Armée. Cependant la choſe ne put ſe faire ſi ſecretement, que quelques-uns ne ſoupçonnaſſent qu’il y avoit quelque autre deſſein que l’on ne diſoit pas : de ſorte que Tigrane & Phraarte, ſe rangeant auprés de Cyrus, & ne l’abandonnant point, il fut contraint de leur faire part de ſon ſecret : leur diſant que ſi ç’euſt eſté pour combatre, il n’auroit pas voulu ſe paſſer de leur aſſistance : mais que ne s’agiſſant que d’aller ſeule ment reconnoiſtre le lieu du combat, il avoit voulu leur eſpargner une peine où il n’y avoit point de gloire à aquerir. Neantmoins ils ne purent ſe reſoudre à faire ce qu’il voulait : & il falut qu’il conſentist qu’ils fuſſent de la partie. Aglatidas, Aduſius, Feraulas, Ligdamis, Chriſante, Soſicle, Tegée, & Artabaſe, en furent auſſi : & il ne fut pas meſme juſques à l’Inconnu