Comme c’eſt de voſtre reſolution que dépend la mienne, j’envoye sçavoir ſi vous Pauez priſe. Mais ſouvenez vous s’il vous plaiſt, que ſi elle n’eſt favorable à la perſonne du monde qui vous aime le plus, elle ſera funeſte à celle de toute la Terre que vous aimez le mieux. reſpondez donc, mais reſpondez preciſément, de peur de vous repentir de ne l’avoir pas fait a temps.
HERMODORE.
Apres que Cleonice eut leu cette Lettre, elle me parut ſi deſesperée, que je creus qu’elle expireroit de douleur : je demanday à celuy qui l’avoit aportée ou eſtoit Hermodore ? & il me dit qu’il n’en sçavoit autre choſe, ſinon qu’il n’eſtoit pas chez luy : & que ç’avoit eſté un de ſes gens qui l’avoit chargé de cette Lettre, & à qui il en devoit rendre la reſponce. Cependant Cleonice
