ils approcherent du lieu ou ils alloient, ils aperceurent Dinocrate, qui eſtoit arreſté à cheval au pied d’un arbre : qui dés qu’il les eut veus s’en alla à toute bride vers le Chaſteau où eſtoit ſon Maiſtre. Ce bizarre procedé ſurprit un peu Ameſtris & Artemon, qui ne pouvoient deviner ce que cela vouloit dire : Mais ils furent bien plus eſtonnez, lors qu’eſtant arrivez à ce Chaſteau ; ils apprirent que Dinocrate n’avoit pas eu plutoſt adverty Otane, qu’Ameſtris alloit arriver ; qu’il eſtoit monté à chenal, ſuivy de trois ou quatre des ſiens : & qu’il eſtoit ſorty par une porte oppoſée à celle par où Ameſtris devoit entrer ; laiſſant ſeulement une Lettre entre les mains du Capitaine de ce Chaſteau, pour luy rendre. Il ne la luy eut pas pluſtost donnée, que l’ouvrant elle y leut ces paroles.
OTANE A L’INDIGNE AMESTRIS.
Je parts pour aller cacher la honte dont vous m’avez couvert : & c’eſt pour cela que je vais parmy des gens qui ne me connoiſſent pas, & qui ne vous connoiſſent point. Mats je parts principalement pour aller tüer Aglatidas, ſi je le puis
