Cette page a été validée par deux contributeurs.
69
tragedie.
De celle qui me tient pour un empoiſonneur.
Je ſuis enfant d’Auguſte.
Agrippine
Il m’en ſouvient, Tibere,
Tu nacquis en ce temps qu’à mon bien-heureux Pere,
Toute choſe à l’envi ſuccedant à la fois,
Fortune luy donnoit des enfans à trois mois.
Tibere
Si ie ne tiens de luy le iour que ie reſpire,
Au moins, comme à ſon fils, il m’a laißé l’Empire,
Et ce ſage Empereur nous rendit par ſon choix,
Toy l’Eſclave ſouſmis, moy le Maiſtre des Loix.
Agrippine
Ne fais point vanité d’un choix illegitime,
Son Orgueil te choiſit, & non pas ſon eſtime.
Il te donna l’Empire, afin que l’Univers
Regrettaſt le malheur d’avoir changé ſes fers.
Tibere
Parricide, ton Pere eſprouve ton audace.
Agrippine
Tu reſpectes mon Pere en deſtruiſant ſa race,
