Le texte de cette page a été corrigé et est conforme au fac-similé.
En nos maulx besoing de recours,
Alons devers luy droictement
Et sentirons un bon secours.
D’un Moyne, et de la femme
d’un Libraire.
Ces jours, un Moyne alà chés un Libraire,
Où demandà la Verité cachée.
On luy refuse, et mon Asne de braire,
Sus sus, dist il, qu’lle me soit cerchée.
Sa femme fut incontinent faschée
Que ce Cagot parloit en Connestable :
Si vous empoigne au froc le venerable,
Et le frottà comme avoit merité,
Allez, dist elle, allez de par le Diable,
C'est vostre habit qui cache Veritè.
A Geoffroy Chereau estant malade,
Qu’on se doibt esgallement porter en
prosperité et adversité.
Quand le Seigneur prosperité nous donne,
Nous la prenons affectueusement,
S’il vient aussi qu’aultrement il ordonne,
Prendre debvons le mal joyeusement,
Et nous porter tresvertueusement,
En maintenant une constance forte,
