Le texte de cette page a été corrigé et est conforme au fac-similé.
Et lay monstra visaige d’Ennemye,
Ha, dy je lors, quel exemple je veoy,
Qui n’a d’argent, il ne peut faire Amye.
A Maurice Chausson
Vers Alexandrins.
Il t’a pleu o Amy, par escript demander,
Celà que tu pouvois de bouche commander :
C’est, que nous soyons joincts tous deux ensemblement.
D’un Amour si perfaict qu’il n’ait deffinement.
Certes digne serois de reprehension,
Et trouver ne pourrois juste defension,
Si je faisois refus à la tienne requeste,
Laquelle je cognois tant utile et honneste.
Or doncques, ton Amour je retiens à present,
Et d’un bien entier Cueur du mien te fais present.
A Madamoiselle Beringue,
Que nostre Esperance doibt estre
en Dieu.
Sur tout, Mamye, il nous fault croire,
Que CHRIST est nostre saulvement,
Et que son sang, est meritoire
A cil qui l’ayme fermement,
Si donq avons aulcunement
